Türkiyə ilə Rusiya arasında reallaşdırılan İdlib razılığını qiymətləndirən "Hizbullah" lideri Həsən Nəsrullah müqaviləni tərifləyərək "Suriya müharibəsində siyasi həllə çatmaq üçün bir addım" səciyyələndirilməsini edib.
Arannews-İslamazeri.com xəbər verir ki, "Hizbullah" Baş katibi Həsən Nəsrullah Türkiyə ilə Rusiya arasında Suriyanın İdlib şəhəri üçün əldə edilən razılığa dair qiymət verib.
"Hizbullah" lideri Nəsrullah İdlibə dair müqavilənin yaxşı və məqbul olduğunu deyib.
Nəsrullah Aşura gecəsi münasibətilə etdiyi televiziya çıxışında, Türkiyə Prezidenti Rəcəb Tayyib Ərdoğanla Rusiya Prezidenti Vladimir Putinin bazar ertəsi günü Rusiyanın Soçi şəhərində görüşərək İdliblə bağlı əldə etdikləri razılaşmanın nəticə verməsi halında yaxşı və məqbul olduğunu bildirib.
İdlib müqaviləsinin həyata keçirilməsinin Suriyaya böyük bir sakitlik gətirəcəyinə işarə edən Həsən Nəsrullah Suriya dövlətinin razılığı ilə ölkədə mövcudiyyət göstərdiklərini və müqavilələrə rəğmən İdlibdəki varlıqlarını davam etdirəcəklərini ifadə edib.
Livanda aylardan bəri nəticə verməyən hökuməti qurma işlərinə də toxunan Nəsrullah dialoq və sakitliyin əhəmiyyətinə diqqəti çəkib.
"Hizbullah" lideri həmçinin Livan dövlətinin ölkə daxilindəki məsələlərdən ötrü region problemlərinə qarşı özünü uzaq saxlamaq siyasətini yürütməsinə qatıldığını qeyd edib.