Müqavimət qrupları Trampın Qüdsü İsrailin paytaxtı olaraq tanıması və səfirliyini Qüdsə köçürməsinin ardınca siyasi cəhdinə qarşı birləşmə qərarı alaraq birgə bəyannamə hazırlayıblar.
Arannews-İslamazeri.com xəbər verir ki, Fələstin Qurtuluş Demokratik Cəbhəsi, Fələstin Qurtuluş Təşkilatı, Fələstin Qurtuluş Xalq Cəbhəsi və HƏMAS tərəfindən imzalanan Milli Qurtuluş Proqramı başda Fələstin Qurtuluş Təşkilatı və Milli Birlik Hökuməti olmaqla Milli Məclisin ədliyyə və təhlükəsizliyin və milli birlik, milli hərəkat və demokratiyanın reabilitasiyasına əsaslanır" ifadələri ilə başlayır. Milli Qurtuluş Proqramında "Əsrin müqaviləsi" deyilən Amerikan planına qarşı milli mübarizənin yalnız diplomatik yolla deyil, Fələstin xalqının əlində olan bütün üstünlük kartlarının istifadə edilməsinə əsaslandığı qeyd olunub.
Fələstin xalqının haqlarını rədd edən və onlara qarşı cinayət törədən işğalçılarla əməkdaşlıq etməyin ağılsızlıq olduğu bildirilən proqramda, Qərbi İordandakı Yəhudi mühacirlərə qarşı çıxmağa üstünlük verilməsi, Fələstin torpaqlarında daimi yaşayış yeri qurmalarına ağır əvəzlər ödədilməsi lazım olduğu yer alıb. Milli Qurtuluş Proqramında işğal hökumətinin və liderlərinin Fələstin xalqına qarşı həyata keçirdikləri humanitar cinayətlərinə görə beynəlxalq cinayət məhkəmələrində mühakimə olunması üçün fəaliyyətə başlanmasının vacibliyi də ifadə edilib