Birləşmiş Millətlər Təşkilatı (BMT) Yəməndə təxminən dörd ildir davam edən müharibədə 8 milyon insanın dolanışıq mənbəyini itirdiyini açıqlayıb.
Arannews-FaktXəbər bildirir ki, Yəməndəki Birləşmiş Millətlər Təşkilatının Humanitar İşlər Koordinasiya Ofisinin (OCHA) hesabatına görə, ölkədəki böhrana təcili müdaxilə çərçivəsində Dünya Bankının da dəstəyilə 264 min nəfərə 6 milyon 100 min gün (hər birinə təxminən 23 gün) məşğulluq imkanı yaradılıb.OCHA-nın açıqlamasında həmçinin qeyd olunur ki, 22.2 milyon yəmənli də humanitar yardıma möhtacdır.Xatırladaq ki, Səudiyyə rejiminin birbaşa diqtəsi ilə hökumət idarə edən Yəmən prezidenti Mənsur Hadi buna etiraz edən xalqa qarşı zor tətbiq etdikdən sonra ölkə boyu kütləvi aksiyalar həyata keçirilmişdi. Xalq Mənsur Hadidən islahatlar həyata keçirməyi və Səudiyyənin tapşırıqlarının yerinə yetirməməyi tələb edirdi. Uzun müddətli aksiyalar zamanı prezidentin əmri ilə xalqa qarşı sıxılan güllə vəziyyəti bir qədər də gərginləşdirdi və Mənsur Hadi ölkədən qaçaraq Səud rejiminə sığındı. Buradan isə öz xalqına qarşı müharibə elan etdi. Bəzi ərəb ölkələrini bu müharibəyə səslədi və yaradılan koalisiya bu gün də Yəməni bombalayır. Müharibə yolu ilə Yəmən xalqını təslim edə bilməyən Səud koalisiyası ABŞ-ın dəstəyi ilə Yəməni blokada şəraitində saxlayır. Hazırda 22 milyon əhalisi olan Yəmənin 80 faizi aclıqdan əziyyət çəkir. Vəbaya yoluxma halı 500.000-dən çoxdur. Onların 460 mini uşaqdır. Hazırda Yəməndə xalqın böyük dəstək verdiyi Ənsarullah Hərəkatı hakimiyyətdədir və Səud koalisiyasına qarşı mübarizə aparırlar.