Yəmənin Hərbi Hava Qüvvələri (HHQ) sentyabrın 30-u Birləşmiş Ərəb Əmirliklərinin (BƏƏ) Dubay Beynəlxalq Hava Limanına qarşı bir neçə hava hücumu həyata keçirib.Əl-Məsirə
Arannews-Yəmən HHQ-dən bir mənbənin dediyinə görə, Sammad-3 PUA-sı ilə Yəməndən 1200 kilometr məsafədə olan Dubay Beynəlxalq Hava Limanı bir neçə dəfə bombalanıb.Mənbə, Yəmənə qarşı təcavüzün əsas iştirakçısı olması və təxminən 4 ildir dinc sakinlərə qarşı yüzlərlə cinayət törətməsinə cavab olaraq, Yəmən qüvvələrinin BƏƏ-nin Dubaydakı iqtisadi paytaxtını ikinci dəfə hədəfə aldıqlarını deyib.Avqustun 27-də Yəmən HHQ-si Dubay Beynəlxalq Hava Limanına Sammad-3 PUA-sı ilə bir sıra hücumlar həyata keçirmişdi. 26 iyulda da Abu-Dabi Beynəlxalq Hava Limanı bombardman edilmişdi.
Sentyabrın 30-u Yəmənin Dəniz Qüvvələri və Sahil Təhlükəsizliyi Qüvvələri Səudiyyə rejiminin Cizan limanındakı hərbi hədəflərinə qarşı uğurlu bir əməliyyat həyata keçirib.Yəmənli bir hərbi mənbənin verdiyi məlumata əsasən, Yəmən qüvvələri Səudiyyə rejiminin Cizandakı Zuq sərhəd bölüyünü hədəfə alaraq, bombardman edib.Mənbənin dediklərinə görə, limanın içərisindəki hücumdan sonra sərhəd qoşunları böyük bir itki ilə qarşılaşıb. Hücumda, həmçinin Səudiyyə rejiminin sərhəd qoşunlarına məxsus bir sıra hərbi qayıqlarda da yanğınlar baş verib.Yəmənin Dəniz Qüvvələri ikinci dəfədir ki, bir aydan az müddətdə Səudiyyə rejiminin Cizan sahillərində hərbi hədəfləri bombalayır.
Sentyabrın 1-də ordunun dəniz qüvvələri və inqilabi xalq komitələrinin qüvvələri Səudiyyə rejiminin Cizan sahillərindəki bir hərbi gəmisini hədəfə almışdı