Missisipi əyalətində öz tərəfdarları arasında çıxış edən ABŞ prezidenti deyib: “Məlik Salmana dedim ki, bizim hərbi dəstəyimiz olmasa, iki həftədən artıq davam gətirə bilməzsiniz.”
Arannews - Missisipi əyalətində öz seçiciləri arasında çıxış edən Tramp Ərəbistan kralına səslənərək deyib ki, sizin sülalənizin hakimiyyətdə qalması Vaşinqtonun Riyaza hərbi dəstək verməsindən asılıdır.Üç gün bundan əvvəl Qərbi Virciniya ştatında Səudiyyə Ərəbistanı kralı ilə telefon danışığı barədə düşüncürücü sözlər deyən Tramp çərşənbə günü Missisipidə öz tərəfdarları arasında deyib ki, bu ölkənin krallıq hökuməti Amerikanın dəstəyi olmadan iki həftə ərzində dağılar.Çərşənbə günü Tramp deyib: “Biz Səudiyyə Ərəbistanını qoruyuruq. Sözsüz, siz deyəcəksiniz ki, onlar sərvətlidirlər. Əlbəttə, mən Məlik Salmanı çox istəyirəm. Amma ona dedim: Padşah! Biz sizi qoruyuruq. Siz ola bilsin ki, biz olmadan iki həftə də davam gətirə bilməzsiniz. Siz (Amerikanın Ərəbistanı qoruması üçün lazım olan) hərbi xərcləri ödəməlisiniz.”Tramp əlavə edib: “Biz bir çox ölkələri təmənnasız müdafiə edirik. Onlar isə bizdən suistifadə etməklə bu yüksək neft qiymətlərini bizə təhvil verirlər. Bu yaxşı hərəkət deyil. Biz onlardan istəyirik ki, neftin qiymətini qaldırmağa son qoysunlar və neftin qiymətini aşağı salmağa başlasınlar.” ABŞ prezidenti üç gün bundan əvvəl də Ərəbistan kralını açıq-aşkar təhqir edərək Məlik Salmanla son telefon danışığına işarə edərək demişdi: “Səudiyyə Ərəbistanını çox istəyirəm. Bu gün onların fövqəladə kralı Salmanla uzun telefon danışığım oldu. Ona dedim: Padşah! Sizin neçə trilyon pulunuz var. Biz olmadan kim bilir sizin başınıza nələr gələ bilər? Ola bilsin o təyyarələri saxlaya bilməyəsiniz. Bilirsiniz niyə? Çünki onlara hücum olacaq.”Tramp əlavə edib: “Bizim vasitəmizlə onlar tamamilə əmin-amanlıqdadır. Amma biz əldə etməli olduğumuz şeyə nail olmuruq. Biz onların ordusuna maddi dəstək veririk. Dedim ki, bir sual soruşum: Biz nə üçün bu çox varlı ölkələrin ordusuna maddi dəstək veririk?”