İsrail Baş naziri Benyamin Netanyahunun haqqında başladılan korrupsiya araşdırması çərçivəsində polisə 5 saat ifadə verdiyi qeyd edilib.
Arannews-İslamazeri.com İsrail mediasına istinadən xəbər verir ki, Qərbi Qüdsdəki evinə dünən axşam gələn polislər Netanyahuya rüşvət aldığı istiqamətindəki iddiaları soruşub. İsrail polis təşkilatında korrupsiya cinayətlərilə mübarizə məqsədilə qurulan "Lahav 433" orqanından gələn polislərin sorğusunun 5 saat davam etdiyi bildirilib.
İstintaqda daha iki nazirin; Zeev Yelkin və Yariv Levinin də dindirildiyi qeyd edilir.Netanyahu polisin heç nəyə nail olmayacağını və heç bir fakt olmadığını mediaya açıqlamasında qeyd etsə də, dindirmə zamanı iştirak edən mediaya adının açıqlanması şərtilə məlumat ötürən mənbə Netanyahunun istintaqda ancaq "Nə etmişəmsə İsrailə görə etmişəm" sözlərindən başqa bir şey demədiyini, ona qarşı korrupsiya ilə bağlı ciddi faktların olduğunu önə çəkib.İsrailin "Kanal 2" televiziyası istintaqın səbəbinin Netanyahunun biri İsrailli, digəri əcnəbi olmaqla iki iş adamından yüksək miqdarda rüşvət aldığı istiqamətindəki iddialar olduğunu irəli sürmüşdü. Netanyahunun korrupsiyaya yol verdiyinin dəqiqləşməsi halında vəzifəsindən istefa etməsi lazımdır.