Yəmən ordusu və xalq komitələri bu gün səhər Səudiyyə Ərəbistanı hərbçilərinin bu ölkənin cənubunda Ceyzanda yerləşən mövqelərini iki ədəd Zilzal-1 ballestik raketi ilə hədəfə alıblar.
Arannews-Fars xəbər agentliyinin verdiyi məlumata görə, Yəmən ordusu və xalq qüvvələrinin raket bölməsinin dünən gecə həyata keçirdiyi bu əməliyyatda ölənlərin sayı və vurulan ziyan barədə məlumat yayılmayıb. Səudiyyə mediyaları dünən gecə Səudiyyə Ərəbistanının cənub sərhədlərində Yəmən ordusu ilə toqquşmalarda 4 səudiyyə hərbçisinin öldürüldüyünü bildiriblər. Yəmənin mühasirədə olmasına baxmayaraq bu ölkə ordusu və xalq komitələrinin Səudiyyə Ərəbistanına qarşı müdafiə gücü gün-gündən artmaqdadır.
Yəmən ordusu və xalq komitələri demək olar ki, hər gün Səudiyyə Ərəbistanı ərazilərini bellestik raketlə hədəfə alırlar. Bu Səudiyyə Ərəbistanının Yəmənə təcavüzü və yəmənli mülkiləri qırğın etməsinə cavab xarakteri daşıyır.
Ərəbistan Amerikanın köməyi və yaşıl işığı ilə bir neçə ərəb ölkəsindən ibarət bir koalisiya formasında 2015-ci ilin martından ən yoxsul ərəb ölkəsi olan Yəmənə qarşı geniş hücumlara keçdi. Bu hücumlarda bəhanə, Yəmənin istefa vermiş prezidenti Əbd Rəbbuh Mənsur Hadini hakimiyyətə qaytarmaq, məqsəd isə öz siyasi hədəflərini həyata keçirmək olubdur.Səudların Yəmənə təcavüzləri indiyədək on dörd mindən çox günahsız yəmənlinin öldürülməsi, on minlərlə nəfərin yaralanması, milyonlarla yəmənlinin didərgin düşməsi və bu ölkənin dağılması ilə nəticələnibdir.