Tarix : 2018 Oct 14
Kod 56663

AİP-in növbəti baş məclisi keçirilib - FOTO

Tədbir Qurani-Kərim ayəsinin oxunuşu və Azərbaycan Respublikasının dövlət himninin səsləndirilməsiylə başlayıb.

Arannews-Tədbir Qurani-Kərim ayəsinin oxunuşu və Azərbaycan Respublikasının dövlət himninin səsləndirilməsiylə başlayıb. Daha sonra toplantı iştirakçılarına Baş Məclisin gündəliyində duran məsələlər; AİP-in fəaliyyəti və həyata keçirdiyi tədbirlər, ölkədə ictimai-siyasi durum, Dağlıq Qarabağ münaqişəsinin həlli istiqamətində atılan addımlar, AİP sədri Hacı Mövsüm Səmədov və digər islamçı məhbuslar barədə yeniliklər, partiyanın rayon təşkilatı sədrlərinin komitə və bölgə haqda informasiyaları barədə məlumat verildi.İlk söz alan AİP-in sədr əvəzi Hacı İlham Əliyev məhərrəmlik günləri ilə əlaqədar hamıya baş sağlığı verdi. İlahiyyatçı- alim Kərbəla hadisələrinin təhlilini apararaq vurguladı ki, sevimli Peyğəmbərimiz zamanında İslam ümmətinin inkişaf etməsinə baxmayaraq təxminən 50 il sonra özlərini müsəlman adlandıran ümmət Peyğəmbər Əhli Beytini şəhid etdi:  “Nə baş verdi ki, cəmiyyət belə sərgüzəştə mübtəla oldu?  İmam Hüseyn Əleyhissalam öz hədisində bunun cavabını verib. İmam buyurur:  “Camaat dünyanın bəndəsidir, din isə onların dillərinin ucundadır. İmtahan məqamı gələndə isə həqiqi dindar çox azdır”Sədr əvəzi sözünün davamında Quran ayəsinə toxundu: “Allah Təala Qurani-Kərimin bir ayəsində buyurur:  “Ey möminlər, nə olub sizə? Sizə deyəndə ki, Allah yolunda hərəkət edin, ağırlaşırsız və yerə yapışırsız. Dünya həyatına qane olursuz”. Burada Allah Təala mömini məzəmmət edir. Namaz, oruc, xums, zəkat... əlbəttə bunların hər biri gözəldir, lakin bunlar dünyadan istifatə etməyə yox ona xidmət etməyə səbəb olmalıdır. İman həyatın fəlsəfəsi olmalıdır.  İnsan bu düyünü aça bilsə həyatını nizamlaya bilər”.

Hacı İlham Əliyev İslam Partiyasının həbsdə olan sədri Hacı Mövsüm Səmədov barədə məlumat verdi. Sədr əvəzi bildirdi ki, vəkil vasitəsiylə Mövsüm Səmədovla mütəmadi əlaqə saxlanılır, partiyanın bütün işləri haqda Hacıya məlumatlar verilir və məsləhətlər alınır.  Hacı Mövsüm Səmədovun səhhətinin və əhval-ruhiyyəsinin yaxşı olduğunu bildirildi. 

Daha sonra söz Azərbaycan İslam Partiyasının sədr müavini Akif Heydərliyə verildi.

Sədr əvəzi ölkədə baş verən ictimai- siyasi məsələlərdən söz açdı. Nazirlər kabinetinin son iclasına toxunan Akif Heydərli orada verilən hesabatların cəmiyyətin mövcud durumu ilə ziddiyyət təşkil etdiyini bildirdi. Ailə münaqişələri, artan intihar hadisələrini, cəzasızlıq mühitinin ölkənin əsas problemi hesab etdiyini vurğuladı.

Sentyabrın 29-u keçirilən Qarabağ mitinqində iştiraka toxunan natiq partiyanın məramını, Qarabağ mövzusunda sərgilədiyi mövqeyin tribunadan səsləndirilməsini müsbət qiymətləndirdi: “Bəzi insanların emosional durumuna nəzarət edə bilməyərək, müxtəlif atmaca və yersiz ifadələrin isə əslində o şəxslərin həqiqi simasının cəmiyyətə tanıdılmasına, bizim isə müfəfəqiyyətimiz və uğurumuz kimi qiymətləndirirəm”

Tədbir komitə sədrlərinin və partiya funksionerlərinin hesabat xarakterli çıxışları ilə sona çatdı.


  • Yazılıb
  • da (də) 2018 Oct 14
  • Göndərən مدير سايت Aran News