Arannews-Gözəl Təbrizdə yenidən nurlu simaları görmək mənə nəsib olduğu üçün Allaha şükür edirəm. Daim sağlam və başıuca olasınız.Kaş, sizinlə iki qardaşın bir-birilə söhbət etdiyi kimi söhbət edə biləm. Kaş, qəlbimizdəki həqiqətləri sonsuz gözəlliklə elə açıqlayaq ki, rahatlaşa bilək.
Bizim dərdimiz ədalət dərdidir. Çünki insanlar ədaləti güc, ədalətlini isə güclü bilmirlər. Əksinə, müasir dövrdə zor və gücü ədalət, güclünü ədalətli kimi tanıyırlar. Ona görə də ədalət olan tərəfə deyil, güc olan səmtə gedirlər.Bu günləri Amerika cinayətkar bir sistem yaratmışdır və dünyanı öz ardınca çəkir. Bu gün Amerika ədalətli yox, güclüdür, zülmkardır. Onunla əməkdaşlıq etmək istəyənlər də dünya və axirətdə ziyandadırlar.Biz bu günləri çox sözü asanlıqla danışa bilmirik, bəzi məsələləri mülahizə edirik ki, məsələn filan sözü desək, təhlükə yaxud çəkişmə yarana bilər. Amma mən deyirəm. Biz bir məktəb tanıyırıq ki, o məktəbin rəhbəri maddi dünyaya üç dəfə təlaq vermişdi və o məktəbdə ədalət siyasətə qurban edilməyib. O məktəbdə ədalətin yaşaması üçün həzrət İmam Hüseyn (ə) qiyam etmişdir və bu günləri dünya onun eşq qiyamına heyrandır. Biz də torpaqlarımızı həmin eşqlə azad edəcəyik. Təkcə öz torpaqlarımızı deyil, dünyanın hər yerində işğala, zülmə və hörmətsizliyə məruz qalmış, İslam ümmətinin izzət, şərəf və namusu tapladalnmış bütün İslam ərazilərini İslam bayrağı, Ya Hüseyn, Ya Zəhra, Ya Əbəlfəz şüarları ilə azad edəcəyik. Bu mübarizədə əzmlə hərəkət etməsək, onda bu torpaq üzərində gəzmək bizə haram olacaq.Mən sizə təşəkkür edirəm. Doğrusu, Təbriz ilklər şəhəridir. Bu şəhər bizi öz qardaşı kimi qarşılayan ilklərdəndir. Bu şəhərin müəllimlərinə və bu konfransın zəhmətin çəkib onu təşkil edənlərin hər birinə minnətdarlıq edirəm.Mən bu çətinlik və problemlərin uzun sürəcəyinə inanmıram. İran xalqı könüllü qüvvələri ilə öz düşmənlərinə qalib gəldi. Biz də öz daxili qüvvələrimizə arxalandığımız vaxta qədər Azərbaycan Respublikasının bir qarış torpağını belə əldən vermədik. Bizim müsibətimiz Qarabağ məsələsində müharibə əvəzinə düzgün olmayan münaqişə sözündən istifadə etdiyimiz və beynəlxalq məsələlər formasına saldığımız vaxtdan başladı. İndi bu vəziyyətdən necə çıxmaq barədə düşünməliyik. Coğrafi sərhədlərin dövlətlər arasında mənası olsa da, insanlar arasında sərhədlər humanitar münasibətlər üçün məhdudedici sayılmır. Qardaşın biri Arazin o tayında, biri bu tayında; Qarabağdan Fələstin, Bəhreyn, Yəmən, Suriya və İraqa qədər söhbət qeyrət, şərəf, namus və İslam məsələlərindən düşdükdə sərhədlər öz mənasını itirir. Həqiqətdə, məsələ İslam məsələsidir. Allah bu məsələdə bizə tövfiq versin, bizi xəcalətli etməsin və biz gələcək nəsillər üçün ağır yük qoyub getməyək. Allah bu yolda şəhid olmağı bizə nəsib etsin və bu qələbələri Təbrizdə, bir-birimizi qucaqlamaqla bayram edək, bu bayramı təqvimdə qeyd edək. Bu arzu ilə sizi Allaha tapşırıram. Allah sizə yar olsun və bir daha təşəkkür edirəm.