Eastnews.org-un verdiyi xəbərə görə, ötən gün Yəmən ordusu Hudeyda vilayətində yerləşən strateji rayonu azad edib.
Arannews-Belə ki, Yəmən ordusu Hudeyada Səna magistral yolu üzərində yerləşən Kilo-16 rayonununu Səudiyyə Ərəbistanı və BƏƏ-nin dəstəklədiyi işğalçı qüvvələrdən azad edib. Yəmən ordusunun hücumu zamanı işğalçı qüvvələrə məxsus azı 23 zirehli avtomobil və çox sayda canlı qüvvənin məhv edildiyi bildirilir. Qeyd edək ki, 2015-ci ildən bu günə kimi Səudiyyə Ərəbistanı və müttəfiqləri Yəmənə təcavüz edir. Hərbi təcavüz nəticəsində on minlərlə insan həyatını itirib, milyonlarla insan xəstəlik və məcburi köçkün vəziyyətinə düşüb. Səudiyyə və tərəfdaşları dəniz və havadan blokada şəraitində olan Yəmənə zəruri ərzaq və tibbi ləvazimatın daxil olmasına mane olur. Hazırda blokada nəticəsində milyonlarla yəmənli ağır şərtlər altında yaşamağa məcburdur. Buna baxmayaraq, yəmənlilər döyüş meydanında təcavüzkarlara qarşı mübarizəni davam etdirirlər.