"Sosial şəbəkələrdə heç bir dəlil-sübut olmayan məsələlərin qabardılması doğru olmayan və yanlış düşüncədir".
Arannews-"Sosial şəbəkələrdə heç bir dəlil-sübut olmayan məsələlərin qabardılması doğru olmayan və yanlış düşüncədir". Bu fikirləri SİA-ya tanınmış ilhahiyyatçı, Məşədi Dadaş məscidinin dini icma rəhbəri Hacı Şahin Həsənli hazırda Belçikada "siyasi mühacir" adı altında yaşayan sabiq "cəbhəçi" Mirzə Sakitin İçərişəhər Cümə məscidinin dini icma rəhbəri, ilahiyyatçı alim Hacı Surxay Məmmədliyə qarşı apardığı çirkin kampaniyaya münasibətini açıqlayarkən deyib.
Onun sözlərinə görə, bir insanın qəti bilmədiyi, ehtimal etdiyi bir məsələni insanların heysiyyatına tooxunmaqla ictimailəşdirməsi dini nöqteyi-nəzərdən qınanılmaqla yanaşı, insanlığa yaraşmayan bir əməldir: "Xüsusilə, tanınmış, nüfuzlu, xalq arasında hörməti olan din xadimlərinə qarşı edilməsi ümumiyyətlə, yolverilməzdir. Bu baxımdan, baş verən olaydan sonra da məlum oldu ki, bütün bunlar yalan, böhtan üzərində qurulmuş bir qərəzlilikdir. Ona görə də, belə fikirlərə etina etmək lazım deyil. Yəni insan doğru olduqda, kimlərinsə barəsində nə isə deməsi onu narahat etməməlidir və düşünürəm ki, etmir də"."Ümumiyyətlə, belə bir əsassız fikirlərin ictimailəşdirilməsi, fotoşopla edilən cəhdlər həmin şəxslərə, yəni bunu edənlərə qarşı da eimatdsızlığı, hiddəti artırır", deyə qeyd edən Hacı Şahin Həsənli həmçinin bildirib ki, bu kimi yanlış düşüncələrin altında dinin özünü də gözdən salmaq məqsədləri dayanır: "Ümumiyyətlə, görünən də budur ki, belə insanların kimlikləri cəmiyyətdə hər kəsə məlumdur".
"Bu gün,Azərbaycanda dövlət-din münasibətləri kifayət qədər inkişaf edir və möhkəmlənir", deyən Hacı Şahin Həsənli belə əsaslı münasibətlərin bir sıra xarici dairələr tərəfindən narahatlıqla qarşılandığını deyərək bildirib ki, qərəz, şər və böhtan atan insanlar da məhz belə məsələlərdə alət kimi istifadə olunurlar: "Amma görünən budir ki, Azərbaycanda dövlət-din münasibətləri sağlam əsaslar üzərində qurulub, bu kimi addımlar heç vaxt əldə edilmiş nəticələri sarsıda bilməyəcək".