Paytaxtda Kərbəla və Qarabağ şəhidlərinin əziz xatirəsinə həsr olunmuş tədbir keçirilib
Arannews-Hədəf 14 az xəbər verir ki, paytaxtda Kərbəla və Qarabağ şəhidlərinə həsr edilmiş məclis keçirilib. Məşədi Dadaş məscidinin məscidin icmasının təşkilatçılığı ilə baş tutan məclis Quranı Kərimin tilavəti ilə başlayıb. Ictimaiyət, din xadimlərinin, şəhid ailələrinin, qazilərinin və sıravi vətəndaşların iştirak etdiyi məclisdə çıxış üçün ilk söz hacı Şahin Həsənliyə verilib. İlahiyyatçı ilk öncə məclisə təşrif buyuran bütün iştirakçılara dərin təşəkkürünü çatdırıb. Daha sonra o şəhidlik məqamından, onların Allah qatındakı fəzilətindən bəhs edib. "Bu cür məclislər cəmiyyətdə dini və onun dəyərlərinə qarşı yaranmiş mənfi fikirlərin aradan getməsinə kömək edir. Dinimizin daha düzgün təbliğ olunması üçün çalışılır. Kərbəla faciəsi özü şəhidliyin nə demək olduğunu bizə sübut edir. Kərbəlanı doğru dərk edənlər şəhidlik məqamını da dərk edəcək. Şəhid dedikdə, onlarla bərabər müqəddəsliyi özündə cəmləyən həm də onları böyüdüb boya başa çatdıran haqqında danışdığımız qəhrəmanlarımızın valideynləridir. Bu gün biz onlara borcluyuq. Hər zaman onların yanında mənəvi dəstək olmalıyıq. Məclisdə qazilərimiz də var. Onlar da bu günün canlı şəhidləridir. Bizim onlara da sevgi sayğımız şəhidlər qədərdir. Rahatcığımızı məhz o şəhidlərə və qazilərə borcluyuq". Məclisdə "Milli Mənəvi Dəyərlərin Təbliği" fondunun rəhbəri Mehman İsmayılov, iİlahiyyat institutunun rəhbəri və bir sıra ictimai xadimlərə və şəhid valideylərinə də söz verilib. Məclis bədii hissə ilə davam edib.
Sonda şəhidlərin adına ehsan süfrəsi açılıb.
