Xəbər Lenti

Bu gün, 9 dekabr 2018

Bakıda İran məhsullarının satışı üzrə ilk festivalın açılışı olub

Fransa təhsil naziri şagirdlərin polis tərəfindən diz çökdürülməsndən şok olduğunu deyib

Ruhani: “ABŞ və Qərb terroristlərin sığınacaq yeridir”

Polis şöbəsində ölən şəxslə bağlı polis əməkdaşı həbs edildi

Rusiya və Azərbaycan rouminq tariflərinin azaldılması barədə razılığa gəliblər

Lukaşenko Paşinyanı itələdi

Qarabağa köçürülən ermənilər qaçır

Beynəlxalq Bankın daha bir borcu: 3,3 milyard dollar

Düşmən həftə ərzində atəşkəsi 188 dəfə pozub

Bu gün, 8 dekabr 2018

İŞİD-ə qoşulmaqda ittiham olunan azərbaycanlı: Gələn kimi yaxşıca əzişdirdilər

Azərbaycanda terrorçuların dəfn yeri açıqlanmayacaq

Suriyanın taleyini Rusiya-İran-Türkiyə həll edəcək

Tehranda 6 ölkənin parlament spikerinin görüşü keçiriləcək

37-ci qayıdış haqqı yürüşlərində 17 fələstinli yaralanıb

Aqil Abbasdan sərt sözlər: “Televiziyalar əxlaqsızlıq yayır”

İham Əliyevlə Nikol Paşinyan əsirlərin dəyişdirilməsindən danışıblar

Həbsdə də Paşinyana qarşı savaşacağam - Köçəryan

İŞİD-ə qoşulan 3 azərbaycanlıya ağır cəza verildi

Rusiya Bakıya bu raketi satmaqdan imtina edib

Emənistan hökuməti üçün növbəti şok - gizli telefon danışıqları yayıldı

İraqda İŞİD üzərində qələbənin ildönümü rəsmi tətil elan olundu

Suriya kimyəvi silahla bağlı vədləri yerinə yetirib

ADR üzvünün evindən zorla çıxarılaraq həbs edildiyi bildirilir

Andiçmə yeri bəlli oldu

Ermənilər Şuşadakı(!) girovlarımızdan birini qaytarmağa hazırdır

Ərəbistan və əmirliklər İslam dünyasına xəyanətdə ittiham olunublar

Livan İsrail ilə sərhəddə istənilən vəziyyətə hazırdır

İsrail “Hizbullah” tunellərinə qarşı əməliyyat başlatdı

Rusiyanın XİN rəhbəri Bakıya səfər edəcək

Bu gün, 5 dekabr 2018

Avropa Şurası: Azərbaycanda nəzarətçilərin sayı 3 dəfə artıb

Ötən gün borclu kimi axtarışda olan 32 nəfər saxlanılıb

Binəli Yıldırım Tehrana gəlir

Qarabağ Komitəsi Bakı meriyasına mitinq müraciəti etdi

Qırğızıstanın sabiq gömrük rəisi Bakıda saxlanıldı

Prokuror tikinti şirkətinin vəzifəli şəxslərinin yenidən həbsini istəyir

Azərbaycan və Ermənistan XİN başçıları bu gün Milanda görüşəcəklər

Arxiv
 
Tarix : 2018 noy 06     |     Kod : 56856

Qırxıncı gün – Ərbəin ziyarətindən reportaj

Hər şey İmam Rzanın (ə) bacısı Həkimə (s.ə) xanımın məzarının yerləşdiyi “Bibiheybət” ziyarətgahından başladı. Artıq dərk etməyə başladım ki, müqəddəs bir səfərə qədəm qoyuram. Səfər boyu isə nə az nə çox 47 nəfərlə eyni avtobusu bölüşürdüm.

Arannews-Xoşbəxtlikdən bizi iki ilahiyyatçı – AİP-in sədr əvəzi Hacı İlham Əliyev və Emil Rahiloğlu da müşayiət edirdi və səfər boyu onların ziyarət etdiyimiz yerlərlə bağlı verdiyi məlumat rəğbətlə qarşılanırdı.

Ərbəin (qırxıncı gün) barədə uzun illər eşitsəm və görüntülərə rast gəlsəm də, bu dəfə özüm bu həyəcanı yaşamağa qərar vermişdim. Ərbəini müsəlmanlar “eşq səfəri” kimi də təqdim edirlər. Nə üçün eşq? Bu suala cavab vermək üçün 16 gün mənə kifayət etdi. 

Yol boyu ziyarət etdiyim məkanlar arasında Şah Əbdüləzim, Məsumə xanım (ə), Cəmkəran məscidi, Qədəmgah və Əbasət ziyarətgahlarını qeyd etmək istərdim. Bu məkanlarda hökm sürən hüzn və aramlıq ziyarətgah sahiblərinin nə qədər ali şəxslər olmağından xəbər verirdi. Tarixi mənbələrə görə, İmamzadə Əbdüləzim dörd məsumun – İmam Kazim (ə), İmam Rza (ə), İmam Cavad (ə) və İmam Hadinin (ə) imaməti dövründə yaşamış, imamlardan bir çox hədislər nəql etmişdir. Həzrəti Məsumə (s.ə) 8-ci imam Əli ibn Musa Rza və Həzrəti Həkimin bacısıdır və onun mübarək məzarı da Qum şəhərində böyük ziyarətgahdır. Cəmkəran məscidi nintikilməsinə verilən fərmanın tarixi 293-cü hicri qəməri ili (1129-cu il) ramazanın 17-nə təsadüf edir. Qədəmgah isə Şah Abbasın göstərişi ilə hicri 1020-ci ildə inşa edilmişdir. Ehtimal olunur ki, ziyarətgahdakı ayaq izləri məhz İmam Rzaya (ə) məxsus olub. Əbasət və ya tam adı Xacə Əbasət Əbdüssəlam ibn Saleh ibn Süleyman Hərəvi isə müsəlmanların 8-ci imamı Əli ibn Musa Rzanın, 9-cu imamı Məhəmməd ibn Əli Təqi və 10-cu imamı Əli ibn Məhəmməd Nəqinin xüsusi səhabələrindən olmuşdur. 

Məşhəd şəhərində yerləşən 8-ci imam Əli ibn Musa Rzanın (ə) müqəddəs ziyarətgahı qəlblərə məlhəmdir desəm, yanılmaram. Çünki ziyarətgah kompleksində hökm sürən nizam-intizam, zəvvarlara qarşı xoş rəftar və eyni zamanda insanların ibadət etməsi üçün yaradılan şərait bunu deməyə əsas verir. Məhz buna görədir ki, hər il milyonlarla müsəlman müqəddəs ziyarətgaha gəlməkdən zövq alır. 

İrandan İraq ərazisinə daxil olduqdan sonra bizi 6 məsum imamın ziyarətgahında olmaq gözləyirdi. Əvvəlcə Bağdad şəhərinin şimal məhəllələrində yerləşən Kazimeyn məntəqəsində iki Əhli-Beyt İmamının (ə) – İmam Museyi-Kazım (ə) və İmam Muhəmməd ət-Təqinin (ə) məqbərə komplekslərinə yetişdik. Bu məkanlar əsrlərdən bəri müsəlmanların ən məşhur ziyarət ocaqlarından hesab edilir. Kazimeyn şəhəri Kazimiyyə də adlandırılır. Buranın belə adlandırılması elə Həzrət İmam Museyi-Kazımın (ə) adı ilə bağlıdır. Bundan sonrakı səfərimiz Samirra şəhərindəki Həzrət Əli ən-Nəqi (ə) və İmam Zamanın (əc) atası olan Həzrət Həsən Əskərinin (ə) dəfn olunduğu ziyarətgah oldu. Samirra iki nurlu imamın başına fırlanan və onların müqəddəs nurlarından sirab olan və bəhrələnən şiələrin pənah yeridir.

İraqın daha bir müqəddəs şəhəri olan Nəcəfdə olmaq insana xüsusi zövq verirdi. Bu şəhər müsəlmanların birinci imamı Həzrət İmam Əlinin (ə) məzarının yerləşdiyi şəhərdir. Bu məkan əsrlərdən bəri müsəlmanların ziyarət etdikləri ən məşhur ziyarət ocaqlarındandır. Kufə şəhərinin on kilometr qərbində yerləşən Nəcəfə Babul-ulum, yəni “elmlər şəhəri” də deyilir. Bu da Nəcəfdə çoxlu sayda elmi-dini hövzələrin, akademik dini mərkəzlərin olması ilə bağlıdır.

Müqəddəs məkanlarda ziyarətləri başa vurduqdan sonra eşq yürüşünə start verdik. Ərbəin ziyarətinin tərkib hissəsi olan Nəcəf və Kərbəla şəhərləri arasındakı məsafəni piyada qət etmək hər bir zəvvar üçün imtahan rolunu oynayır. Təqribən 3 gün davam edən piyada yürüş boyu yemək, içmək və yatmaq kimi tələbatlar təmin olunsa da, dini, milliyyəti və sosial durumundan asılı olmayaraq hər bir şəxsin bu prosesdə iştirakı ədalət və bərabərliyi ortaya qoymuşdu. 3 gün olsa belə, hər kəsin eyni durumda Kərbəlaya üz tutması sosial durumları bərabərləşdirmişdi. Yol boyu müxtəlif ölkələrdən olan zəvvarlar məclislər keçirir, birgə namazlar qılır və əzadarlıq edirdilər. Yerli və xaricilərdən ibarət könüllüər isə qarşılıqsız olaraq zəvvarlara Kərbəlaya qədər yolda bütün xidmətləri göstərirdilər. 

Nəhayət Kərbəlaya yetişdik. Hüseyn ibn Əli (ə) və Həzrət Əbəlfəzl Abbasın (ə) ziyarətgahlarına qədəm qoyduq. Azərbaycanlı zəvvarların bir yerdə və qrup şəklində hərəmə doğru hərəkət etməsi isə ölkəmiz adına böyük bir vəhdəti ortaya qoydu. Azərbaycanlı ilhaiyyatçıların iştirakı ilə zəvvarlar müqəddəs məkana daxil olarkən əzadarlıq etdilər və dualar oxudular.

Əvvəldə qeyd etdiyim "eşq səfəri" ibarəsinə gəlincə, Ərbəin günlərində Kərbəla səfərinə çıxmaq insandan sadəcə eşq və məhəbbət istəyir. Milyonlarla insan izdihamında narahat, yorğun və qəmli şəkildə qalmaq və bununla belə öz ruhiyyəni saxlamaq insandan sadəcə eşq tələb edir. Bu səfərin çətinliyi və yorğunluğu İmam Hüseynə (ə) olan eşqin bir təcəssümüdür. 100 km qədər məsafəni 3 gün ərzində piyada şəkildə getmək və bir çox ləzzətlərdən özünü məhrum etmək həqiqətən eşqin göstəricisidir. "Eşq səfəri"ndə zəvvarların sayı isə milyonlarladır və bu rəqəm hər il artmaqda davam edir. 

Orxan Hüseyn



Açar sözlər : 

Yazılıb da (də)   2018 noy 06  Saat  15   Göndərən   مدير سايت Aran News
PDF Çap Dostlarına göndər Qayıt
Sizin rəyləriniz :
Ad :
Soyad :
  E-mail :
 
Bu material barədə öz rəyinizi bildirin