Arannews-ABŞ-ın Azərbaycandakı səfirliyindən "Report"a verilən məlumata görə, qrupun üzvləri hökumət rəsmiləri və biznes dairələrinin liderləri ilə görüşüblər. Diplomatik nümayəndəlikdən bildirilib ki, bu səfər ABŞ-ın İrana sanksiya siyasətini dünya hökumətlərinə izah etməyə və Birləşmiş Ştatların İrana dair məqsədlərinə dair suallara cavab vermək üçün planlaşdırılan görüşlər silsiləsindən ən sonuncusu olub. Bakıya səfəri zamanı nümayəndə heyəti Azərbaycan hökumət rəsmiləri və yerli işgüzar dairələrin nümayəndələri ilə görüşüb. Nümayəndə heyəti suallara cavab verib və ABŞ-ın İranın “aqressiv və stabilliyi pozan” davranışını hədəf alan və rəsmi Tehranın “davranışını” maksimum iqtisadi və diplomatik təzyiqlər yolu ilə “dəyişdirmək” cəhdlərini vurğulayıblar. Onlar həmçinin ABŞ və Azərbaycan arasındakı əməkdaşlıq sahələrini də müzakirə etdilər. Qeyd edək ki, ABŞ Dövlət Departamentinin və Xəzinədarlıq Departamentinin ekspertlər qrupu Azərbaycanla yanaşı Gürcüstan və Ermənistana da səfər ediblər.Azərbaycan Respublikası ilə İran arasında daima sıx əlaqələr və geniş həmkarlıqlar olmuşdur.Rəsmi Bakı bündan öncə dönə-dönə ABŞ-ın İrana qarşı zalımcasına sanksiyalarına qoşulmayacağını vurğulayıb.