Türkiyə erməni TIR-larına ölkə ərazisindən keçməyə icazə verir. Bu günə qədər gizli saxlanılan bu sirrin üstünü, Türkiyədə fəaliyyət göstərən Əsassız Erməni İddialarına Qarşı Mübarizə Dərnəyinin (ASİMDER) başqanı Göksəl Gülbəy açaraq, sözü gedən məlumatı ictimailəşdirib.
Arannews-Həqiqət QHT (Truth NGO) Türkiyə mətbuatına istinadən xəbər verir ki, ildə 400 Ermənistan TIR-ının Trabzon limanı üzərindən yükdaşımasına icazəsi verilib.Ermənistan TIR-ları indiyə qədər yükləri daşımaq üçün Gürcüstanın Poti limanından istifadə edirdi. Lakin Trabzon limanından istifadə etmək erməni TIR sürücülərinə 600 dollar daha ucuz başa gəlir.Ermənistan dünyaya çıxa bilmək üçün illərlə Poti limanından istifadə edib. Ancaq son zamanlar ermənilərin daşınma şirkətləri daha ucuz olduğu üçün Trabzon limanına üstünlük verirlər. Türk qanunlarına görə, erməni sürücülər ölkəyə turist vizası ilə deyil, işləmək icazəsi ilə daxil ola bilərlər. Əvvəl Ukrayna araya girərək müvəqqəti kömək edib. Sonra isə Gürcüstan səfriliyi erməni sürücülərə rəsmi iş icazəsi verir.
Əsassız Erməni İddialarına Qarşı Mübarizə Dərnəyinin (ASİMDER) başqanı Göksəl GülbəyAzərbaycanın neft və qazını Azərbaycan əhalisindən də ucuz alan Türkiyə Cumhuriyyəti uzun illərdir Ermənistanla sərhədlərini başladığını və bunu güya Azərbaycanın işğal edilmiş ərazilıərinə görə olduğunu iddia edirdi. Amma əslində isə Türkiyə və Ermənistan arasında sərhəd zahirdə bağlı idi, çünki Türkiyə-Ermənistan münasibətlərinə nəzər salanda heç bir embarqodan söhbət getmədiyi məlum olur.Bu necə embarqodur? Ermənistanla Türkiyə arasında hər gün təyyarə reysi var, Türkiyə və ermənistan turist şirkətləri qarşılıqlı olaraq türk və erməni vətəndaşların turist səfərlərini təşkil edirlər, Türkiyədə 70 min qaçaq erməni işçi var və s.
Bu sirrin üstü açılandan sonra Türkiyənin Azərbaycandakı səfiri ASİMDER başçısının bəyanatına tələsik reaksiya verərək yayılan xəbəri ört-basdır etməyə çalışıb. Beləki, “virtualaz”a zəng edən Bakıdakı Türkiyə səfirliyinin mətbuat katibi Hamit Karadeniz səfir Erkan Özoralın təkzibini çatdırıb.“Bir sıra KİV-lərin Türkiyənin sərhədlərini Ermənistandan gələn yük maşınları üçün açması barədə dərc etdiyi xəbər həqiqəti əks etdirmir. Ermənistan vətəndaşları üçün Türkiyənin Gürcüstandakı səfirliyində işçi vizalarının verilməsi və sonradan onların iri tonnajlı avtomobillərinin Trabzon limanına istiqamət almasından söhbət gedə bilməz”.Görəsən Türkiyənin səfiri nə deməli idi? Təbii ki, üstü açılan bu sirri malalamağa çalışmalıdır. Daha durub deməyəcək ki, sizin neft və qazınızı sizin xalqdan da ucuz aldığımıza baxmayaraq, ermənilərlə də pərdə arxasında ticarətimizə davam edirik.