Azərbaycan Respublikası Dövlət Miqrasiya Xidməti bu ölkənin İran İslam Respublikası ilə Astara sərhəddində şöbə açıb.
Arannews-İRİB-in Bakı ofisinin verdiyi məlumata görə, Azərbaycan Respublikası Dövlət Miqrasiya Xidmətinin mətbuat bölməsi bildirib ki, Azərbaycan Respublikasının Miqrasiya Xidməti, Gömrük idarəsi və sərhəd qoşunlarının rəsmilərinin iştirakı ilə Miqrasiya Xidmətinin şöbəsinin açılışı olub. Azərbaycan Respublikası Dövlət Miqrasiya Xidmətinin rəis müavini Vəli Nağıyev sərhəd keçid məntəqəsində miqrasiya xidmətinin şöbəsinin istifadəyə verilməsinin əhəmiyyəti barədə deyib: Miqrasiya idarəsi ilə əlaqədar xidmətlərin sürətləndirilməsi və əcnəbi sərnişinlərin razılığının əldə olunması eləcə də bu idarənin fəaliyyətində şəffaflığın təmin olunması daima idarənin fəaliyyətləri üçün prioritet təşkil edib.
V.Nağıyev deyib: Azərbaycanın İranla sərhəddində miqrasiya şöbəsinin açılması ilə Azərbaycana daxil olan insanların giriş-çıxışı asanlaşacaq və miqrasiya xidmətləri elə sərhəddə həyata keçiriləcək və insanlar ölkəyə daxil olarkən miqrasiya xidmətinin qanunları ilə tanış olacaqlar. Azərbaycan Respublikası Dövlət Miqrasiya Xidmətinin rəis müavini deyib: Bu şöbənin açılması ilə Miqrasiya İdarəsinə gələ bilməyən insanlar vaxt itirmədən bu idarə ilə əlaqədar əməliyyatları sərhəddə həyata keçirə biləcəklər və bu əcnəbilərin razılığını təmin edəcək.
Azərbaycan Respublikası qanunlarına görə , əcnəbi vətəndaşlar Azərbaycanda 15 gündən artıq qalmaq istəsələr Azərbaycan Respublikası Dövlət Miqrasiya Xidmətinə müraciət etməli və orada qeydiyyatdan keçməlidirlər. Miqrasiya xidmətinin sərhəd şöbəsinin açılması ilə artıq bu idarəyə müraciət etməyə ehtiyac qalmayacaq.