Amerikanın Venesuelada müdaxilə siyasətləri, Fransa dövlətinin bu ölkədə 11 ardıcıl şənbə xalq etirazlarına (sarı jiletlilər) qarşı sərt davranışı Minsk qrupu həmsədrlərinin həqiqi simasını və Qarabağ münaqişəsinin həllinə vasitəçilik etməkdə niyyətini bəlli edir.
AranNews – Azərbaycan və Ermənistan arasında ərazi münaqişəsinə son qoyulması məqsədilə 1992-ci ildə Minsk qrupunun yaradılmasından 27 il ötür. Minsk qrupu beynəlxalq bir qrup olaraq bir neçə Avropa və xristian ölkəsinin siyasətçilərindən təşkil olunmuşdur. Onların işi Qarabağ münaqişəsi ilə bağlı uğursuz səfərlər, bəyanatlar yaymaq, icra olunmayan qərarlar qəbul etmək, səmərəsiz və formal iclaslar keçirməkdən ibarət olmuşdur.Minsk qrupunun ötən 27 il müddətində bacarıqsızlığının səbəbini təhlil etmək üçün son hadisələri, Rusiya, Fransa və Amerika ölkələrinin Qarabağla bağlı siyasətlərinə diqqət etmək kifayətdir. Bu hadisə və yanaşmaların hər biri qondarma Dağlıq Qarabağ Respublikasının müstəqilliyini dolayısı ilə tanımaq mənasına olmuşdur. Onlardan bir neçəsinə ixtisarla işarə edirik:- Qondarma Dağlıq Qarabağ Respublikası prezidenti Bako Saakyanın Amerika, Fransa və Rusiyaya səfərləri;- Fransanın Alfortvil və Valans şəhərlərinin bələdiyyə sədrlərinin Dağlıq Qarabağa səfərləri;- Qondarma Dağlıq Qarabağ Respublikası heyətlərinin Fransa dövləti tərəfindən qarşılanması;- Paris və Nyu-Yorkda qondarma Dağlıq Qarabağ Respublikasının nümayəndəlik ofislərinin açılması;- Amerikanın Azərbaycan Respublikasındakı səfiri Robert Setukanın Bako Saakyanla görüşü;Bu günləri görürük ki, amerikalılar Venesuelanın daxili işlərinə müdaxilə etmək və Xuan Quaydo tanımaqla bu ölkənin problemirini daha da artırmışdır. Halbuki Nikolas Maduron Venesuelanın qanuni prezidentidir. Amerikalıların hərəkətləri onların öz maraqlarını güdmələrindən qaynaqlanır. Son günlər ABŞ-ın dövlət katibi İraq müharibəsinin memarı kimi tanınan Elliot Abramzı Nikolas Maduro dövlətini devirmək üçün koordinator təyin etdi və Con Bolton Venesuela pullarının Nikolas Maduro dövlətinin müxaliflərinə axacağından danışır.Digər tərəfdən Minsk qrupunun digər bir həmsədri olan Fransanın dövlət adamları özləri şiddətli xalq etirazları və daxili problemlərlə üzləşmələrinə baxmayaraq Venesuelada demokratiyanı bərpa etmək ardıncadırlar! Fransa prezidenti Emmanuel Markon bu ölkə xalqının hökumətin siyasətlərinə qarşı 11 həftə davamlı şiddətli etirazlarına və ölkəsində yaranmış böhrana diqqət etmədən Venesuelada demokratiyanı diriltməkdən danışır və qanuni dövlətin müxaliflərini alqışlayır.Bu həftə Fransada xalq etirazları özünün 11-ci ardıcıl həftəsinə daxil oldu. Xalq etirazlarına qarşı 100-dən çox üsyan əleyhinə polis, jandarm, təhlükəsizlik qüvvələri, gizli polis və s-dən ibarət taborlar hazırlanmışdır.Son iki ay yarımda xalq etirazlarına qarşı polis zorakılığından istifadə edən, 10 nəfər insanın ölümünə, flaş-ball silahlardan istifadə etməklə 20 nəfərin kor olmasına, 7 min nəfərdən çox insanın yaralanmasına və həbs olunmasına səbəb olmuş bir dövlət Qarabağ münaqişəsində Azərbaycan müsəlmanlarının maraqlarını qoruya və ədalətli vasitəçilik missiyası həyata keçirə bilərmi?!Fransa dövlət rəsmiləri neçə illərdir ki, işğal edilmiş Qarabağa səfər edir, qondarma Dağlıq Qarabağ Respublikası dövlət məsullarına evsahibliyi edir, beləliklə onlara rəsmilik verir. Bunun kimi yüzlərlə fakt-sübut Minsk qrupunun bacarıqsızlığını göstərir.Aydındır ki, Qarabağın azadlıq yolu yalnız regionun müsəlman ölkələrinin birliyi, Azərbaycan Respublikasının ərazi bütövlüyü və coğrafi sərhədlərinə hörmətlə yanaşmaqdır. Ümid edirik ki, Azərbaycanın dövlət siyasətçiləri və məsulları dünya hadisələrini dəqiq izləmək, dostu düşməndən seçməklə, birlik, həmrəylik sayəsində, fürsətləri itirməmiş, Qarabağ tarixinə ümidsizlik və əfsus tozu oturmamış, Qarabağı İslamın ağuşuna qaytara bilsinlər. Dağlıq Qarabağ regionu coğrafi və strateji baxımdan Azərbaycan Respublikası və dost, qonşu ölkə kimi İran üçün böyük əhəmiyyət daşıyır. Qarabağın azad olunmasında hər hansı qüsur və gecikmə bağışlanılmaz günahdır.