Tarix : 2019 Feb 09
Kod 57610

Daha bir inanclı fəal saxlanıldı

Müsəlman Birliyi Hərəkatının üzvü saxlanılıb.

Arannews-Bu barədə Hərəkatın rəsmi Facebook səhifəsində məlumat yayımlanıb.Rakurs.tv məlumatı olduğu kimi təqdim edir:“Belə ki, MBH-nın üzvü Bəxtiyar Bağırov dünən axşam saat 20:30 radələrində Sahibəzzaman məscidi yaxınlığındakı çay evində dostları ilə oturubmuş. Bu zaman ona zəng gəlib və zəng edən şəxs 6 saylı CÇM-də saxlanılan Bəxtiyarın dostu Əhsən Nuruzadənin yanından gəldiyini və Bəxtiyara vacib sözü olduğunu bildirib.Həmin şəxs vurğulayıb ki, məscidin yaxınlığında yerləşən “Araz” supermarketin yanında dayanıb və gözləyir. Bəxtiyar çay evindən çıxıb, deyilən yerə yollanarkən dostlarından biri də onunla gedib.Sözügedən yerə çatdıqda bir neçə nəfər Bəxtiyarı əhatəyə alıb və onu məcburi şəkildə tutub avtomobilə salıblar. Bəxtiyarla gedən dostunu isə döyüblər və oradan uzaqlaşıblar. Bundan sonra dərhal 102 xidmətinə zəng vurub hadisə barədə məlumat verilib.Həmçinin Bəxtiyarla gedən və hücuma məruz qalan dostu polisə deyib ki, onu döyən şəxslərdən birini tanıyıb. Həmin şəxs Baş Mütəşəkkil Cinayətkarlıqla Mübarizə İdarəsinin işçisidir. Xatırladaq ki, Bəxtiyar Bağırov MBH-nin fəal üzvüdür və o, son günlər üzvü olduğu təşkilatın həbsdə olan sədri Tale Bağırzadəyə, İH-nin üzvü Abbas Hüseynə qarşı edilən amansız işgəncələrə etiraz olaraq videomüraciət yayımlamışdı”.

  • Yazılıb
  • da (də) 2019 Feb 09
  • Göndərən مدير سايت Aran News