Xəbər Lenti

Şirvanda 19 nəfər zəhərlənib

Cinayət törədən 57 nəfər saxlanılıb

Saakaşvilinin partiyası Ukraynada keçiriləcək parlament seçkilərində iştirak etməyəcək

Azərbaycan din və ifadə azadlığını müdafiə edən bəyanatı imzalamaqdan imtina edib

Ermənistanın Konstitusiya məhkəməsinin sədrinə qarşı cinayət işi başlayacaq

Rusiyada hərbi hissədə əsgərlər üçün məscid açıldı

Azərbaycan Respublikası anti-İran koalisiyasına qoşulacaqmı

ABŞ-ın Azərbaycanda yeni hərbi attaşesi təyin olunub

Lavrov: Amerika İrana qarşı təhrikedici hərəkətlərdən əl çəksin

Ənsarullahdan Trampa: Ərəb ölkələrini sağ, amma Yəmən bəhanəsi ilə yox

AXH-nin yürüş-mitinq keçirməsinə icazə verilməyib

İran və Ermənistanın hərbi-texniki həmkarlıqları təkzib olunub

Azərbaycan İranla hərbi əməkdaşlığın genişləndirilməysini müzakirə edib

Ermənistan Azərbaycan Ordusunun mövqelərini pulemyotlardan atəşə tutub

Azəri rəsmi: Gürcüstan sərhədçiləri məsuliyyət daşıyırlar

Bağdad partlayışlarında 23 nəfər ölüb və yaralanıb

Bu il Azərbaycanda 23684 nikah, 7082 boşanma halı qeydə alınıb

Türkiyə AB-nin anti-Ankara bəyanatına reaksiya verib

Bakıda Halal məhsulların sərgisi keçirilir

Gürcüstandan “Keşikçidağ” qadağası - Hərbçilərə əmr verildi

Minsk qrupunun Qarabağ münaqişəsi ilə bağlı layihələrinin uğursuzluğunun səbəbləri-Təhlil

Ermənilər “Gözəlim sənsən” və “Köçəri”ni oğurladılar

"Həbsdə olduğumu bildikləri halda, axtarışa veriblər''

Ərəbistan BƏƏ-nin Yəməndən çıxmasına qəzəblənib

Azərbaycan XİN Polşa vətəndaşının adını "arzuolunmaz şəxslər" siyahısından çıxarıb

Ermənistanda hökumət binası qarşısında kəndlilər oturaq aksiya keçiriblər

İmam Rzanın (ə) həyatı “Qızıl Səqqaxana” radio verlişində

Azərbaycan Xalq Hərəkatının toplantısı və polisin reaksiyası

Gürcüstan XİN: “Keşikçidağ”dakı insident Azərbaycanla strateji tərəfdaşlıq münasibətlərinə uyğun deyil

Əsəd: Suriya ABŞ-ın təhdidləri qarşısında İranın kənarındadır

Bakı və "Total" Xəzərdə iki enerji yatağının genişləndirilməsini araşdırırlar

Azad Həsənovun məhkəməsi təxirə salındı

Azərbaycanda fahişəliyin artmasında kim günahkardır, kimin üzünə tüpürək

Cəbhədən son xəbər - Müdafiə Nazirliyi

Azərbaycanlı deputatlar 15 iyul - Türkiyədə çevriliş cəhdinin qarşısının alınmasının ildönümü tədbirlərinə qatılacaq

S-400-ün satın alınması Türkiyənin müasir tarixində ən mühüm hadisədir

Yəmən ordusu səud muzdurlarının Həccədəki mövqelərinə raket hücumu edib

Ərəbistan və BƏƏ Tükiyə ilə müharibəyə hazırlaşır

Müsəlman Birliyi Hərəkatı daha bir bəyanat verdi

Gürcüstanda İmam Rzanın (ə) təvəllüdü münasibəti ilə möhtəşəm tədbir keçirilib (FOTO)

Arxiv Print RSS
 
Tarix : 2019 Apr 21     |     Kod : 58013

''Yeməyə çörək tapmırdıq, böyrəyimi satdım, bazarlıq elədim

Böyrək alverində günahlandırılan şəxsin məhkəməsi davam edir

Arannews-Azərbaycanda böyrək alverilə məşğul olmaqda təqsirləndirilərək həbs olunan Vahib Xudadatovun məhkəməsində zərərçəkənlərin dindirilməsi mərhələsidir. Zərərçəkən qismində tanınan şəxslər də böyrəyini satanlardır.  Bakı Ağır Cinayətlər Məhkəməsində bu iş üzrə daha üç nəfər dindirilib. Üçü də deyib ki, maddi ehtiyaclar üzündən böyrəklərini satmaq qərarına gəliblər.Əvvəlcə Səid Ağayev ifadə verib. O bildirib ki, banka 3 min manat borcu olub: “Bank əməkdaşları tez-tez narahat edirdi. Krediti qaytarmaq üçün daim pul axtarırdım. Həmin ərəfədə əmim oğlu Elmanla görüşəndə dedi ki, böyrəyini Sahib adlı şəxs vasitəsi ilə satıb. Bir müddət sonra Bakıda Elmanla görüşəndə ona dedim ki, böyrək istəyən olsa, mənə xəbər eləsin”.Xudadatovun adı Vahib olsa da, böyrəyini satan adamlara özünü Sahib kimi təqdim edib. Ona görə də məhkəmədə dindirilən zərərçəkənlər Sahib deyəndə onu nəzərdə tuturlar.“Metronun “Nərimanov” stansiyasının yaxınlığında əmim oğlu ilə görüşdük, Sahib də yanında idi. Onda da dedim ki, böyrəyimi satmaq istəyirəm. Təxminən on gün sonra Sahib məni “Semaşko” xəstəxanasına çağırdı, orada qan analizi verdim. Böyrəyimi 12 min manata satmaq barədə razılığa gəldik. Demişdi ki, böyrəyim Pirəli adlı şəxsə köçürüləcək. Sahib və Pirəli ilə Tehrana getdik, orada həkim Mohsen Tahirinin işlədiyi xəstəxanada müayinədən keçdik. Bakıya qayıtdıq, sonra Gürcüstana getməliydik, əməliyyat orada olmalıydı. Amma hava limanında fikrimi dəyişdim, Gürcüstana getməkdən imtina etdim. Çünki əməliyyatdan qorxdum”, - deyə S.Ağayev bildirib.S.Ağayev imtina etdiyinə görə təcili böyrək köçürməsinə ehtiyacı olan Pirəli Rəhimov üçün yeni donor axtarılıb. Şakir Nağıyev də həmkəndlisi Elman Ağayevin yanında deyib ki, böyrəyini satmaq istəyir. E.Ağayev onu V.Xudadatovla tanış edib. V.Xudadatov da onları böyrək köçürməsinə ehtiyacı olan P.Rəhimovla görüşdürüb: “Bakıda fəhlə işləyirdim. Qəzaya düşdüm, səhhətimdə problem yarandı. Kirayə pulunu verə bilmədiyim üçün rayona geri qayıtdım. Maddi durumum yaxşı deyildi. Ona görə böyrəyimi satmaq qərarına gəldim”.Zərərçəkənin sözlərinə görə, o, bir böyrəyini 17 min dollara satmağa razılaşıb: “Mənim söhbətlərim əsasən Elmanla olub. Heç kimdən şikayət və tələbim yoxdur. Sahibdən nədəsə narazı olsaydım, özünə deyərdim, niyə şikayət edirdim?!”Zərərçəkmiş Rüstəm Ramazanov ifadəsində bildirib ki, böyrəyini satdığı ərəfədə evdə yemək-içmək tapmırdılar, aclıq çəkirdilər. Salyanda 5 saylı internatda yaşadığını, oranın rəhbərinin qorxunc əməllərindən sonra çıxıb getdiyini deyən zərərçəkmişin sözlərinə görə, maddi durumu həddindən artıq pis idi: “Maddi vəziyyətimiz çox pis idi. Yeməyə çörək tapmırdıq. Qardaşım da həbsdə idi. Ona görə internetdə böyrəyimi satışa çıxartdım. Qiyməti dəqiq xatırlamıram. Bir müddət sonra Sahib müəllim zəng elədi. Rayondan Bakıya gəlib onunla Biləcəridə görüşdüm. 12 min manata razılaşdıq”.R.Ramazanov deyib ki, elə həmin gün V.Xudadatova evdə yemək tapmadıqlarını danışıb. Bundan sonra Xudadatov ona əvvəlcədən 100 manat verib: “O pula gedib bazarlıq elədim, kartof-soğan aldım. Daha sonra İrana getdim. Mən də, böyrəyimi verdiyim Fərhad da müayinədən keçdik. Köçürmənin mümkün olduğu deyiləndən sonra Tacikistanda əməliyyat olundum. Qayıdandan sonra Sahib pulumu verdi. Şikayətim, tələbim yoxdur”.Məhkəmə prosesi aprelin 26-da davam edəcək.

Cinayət işində təqsirləndirilən şəxs qismində Tbilisidəki “Lanset” klinikasının azərbaycanlı rəhbəri, hazırda Gürcüstanda həbsdə olan Fərman Ceyranlıdan tutmuş, İran vətəndaşı olan həkim-transplantoloq, Bakıdakı müxtəlif klinikaların tez-tez Azərbaycana dəvət etdiyi Tahiri Mahmudi Mohsenə qədər bir çoxunun adı keçir. Amma bu gün məhkəmə qarşısında müttəhimlər kürsüsündə bir nəfər var – taksi sürücüsü Vahib Xudadatov. O, insan orqanlarının alqı-satqısı, transplantasiyasına məcbur etmə, insan alveri, dələduzluq kimi əməllərdə ittiham olunur.Ağdam sakini olan 62 yaşlı V.Xudadatov özünü təqsirli bilmir. Məhkəmədə də bildirib ki, o, sadəcə, imkansızlıqdan böyrəyini satmaq istəyənlərlə donor tapmaq istəyən xəstə yaxınları arasında vasitəçilik edib. Buna görə transplantasiya əməliyyatı başa çatandan sonra ona hər iki tərəf 200-500, bəzən 1000-1200 manat pul veriblər. O da böyrəyini satmaq istəyən adamlarla buna ehtiyacı olanları görüşdürüb, sonra müayinə üçün İrada aparıb, orada Mohsen Tahiri hər iki orqanizmi müayinə edib köçürmənin mümkünlüyü barədə rəy verəndən sonra gedib Gürcüstanda “Lanset” klinikasında bu əməliyyatı həyata keçiriblər. Cərrahiyyə əməliyyatını Mohsen Tahiri özü gəlib edib. 2016-cı ilin martın əvvəlində Fərman Ceyranlının həbsi və klinikanın bağlanmasından sonra əməliyyatlar Tacikistanda Transplantasiya Mərkəzində həyata keçirilib.



Yazılıb da (də)   2019 Apr 21  Göndərən   مدير سايت Aran News   
PDF Çap Çap