Livanın "Hizbullah" hərəkatının baş katibi Seyid Həsən Nəsrullah İranla bağlı danışıb.
O, çıxışında bildirib ki, əgər İran əleyhində müharibə başlayarsa, buraya müqavimət hərəkatları da daxil olacaq. "Bu müharibə bütün bölgəyə yayılacaq", - deyə Seyid Həsən Nəsrullah diqqətə çatdırıb. Seyid Həsən Nəsrullah vurğulayıb ki, İran ABŞ-a məxsus pilotsuz təyyarəni vuraraq və Böyük Britaniyaya aid neft tankerini saxlayaraq, öz gücünü göstərib.
"ABŞ Prezidenti Donald Tramp artıq İranın gücünü görüb. Biz İraq, Yəmən, Suriya və İraqda qarşıdurmaların dayandırılmasının tərəfdarıyıq. Əgər kimsə, Livana girərək, işğalçılıq etmək istəsə, İsrail rejimi əsgərlərinin məhv olmasının şahidi olacaqlar. Biz əminik ki, Yəmən müharibəsində də qələbəni müqavimət qüvvələri qazanacaqlar", - deyə "Hizbullah" lideri sözlərinə əlavə edib.