Tarix : 2019 Nov 25
Kod 59100

Möhsen Nəriman Ermənistanı AİB-ə çıxmaq üçün İrana "qapı" hesab edir

"İki tərəfli əlaqələrin inkişafı fonunda Ermənistan və İran arasında güzəştli şərtlər yaradılıb ki, 800-dən çox İran mallarının adları gömrük rəsmiləşdirilməsindən keçib."

armenpress"ə istinadən xəbər verir ki, bunu İranın "Aras" azad iqtisadi zonanın direktoru Möhsen Nəriman jurnalistlərlə müsahibəsində deyib.

Onun sözlərinə görə, İran üçün Ermənistan Avrasiya İqtisadi Birliyinə bir qapıdır.

"Biz iki ölkənin əlaqələrini və əməkdaşlığını yüksək dəyərləndiririk. Bizim üçün Ermənistanla quru sərhədinin olması böyük üstünlükdür. İkili əlaqələrin fonunda 860 növ İran istehsalı mal güzəştli şərtlərlə gömrük rəsmiləşməsindən keçib. Düşünürəm ki, bütün bunlar uğurlu əməkdaşlıq üçün böyük şərtlər yaradır.", -deyə Möhsen Nəriman  bildirib.

Nəriman həmçinin gözləyir ki, erməni iş adamları İran bazarını öyrəndikdən sonra investisiya fikrinə düşəcəklər.

Qeyd edək ki, İran tərəfi "Aras" azad iqtisadi zonasının turizm, sənaye və kənd təsərrüfatı üçün böyük potensiala malik olduğunu bildirir.

  • Yazılıb
  • da (də) 2019 Nov 25
  • Göndərən جهان کمالی