Müsəlman Birliyi Hərəkatının üzvü, Elvin Mürvətoğlu imzasıyla şeirlər yazan Elvin Muradov bu gün saat 14:30-da Heydər Əliyev adına hava limanında saxlanıb. O, mədəsində yaranan ağırılardan əziyyət çəkirmiş. Müalicə olunmaq üçün Rusiyadan vətənə dönmək qərarına gəlib.
Arannews-Bu barədə vetenugrunda.az-a onun yaxınları məlumat verib. Elvin Muradovun hara aparıldığı və saxlanma səbəbləri haqqında məlumat verilməyib. Dostları onun bu günlərdə yazdığı şeirə görə saxlanıldığını ehtimal edirlər. O, Müsəlman Birliyi Hərəkatının sədri, siyasi məhbus Tale Bağırzadəyə həsr etdiyi şeirinə musiqi yazıb və özü ifa edib. Bu ifa sosial şəbəkələrdə çox geniş marağa səbəb olub.