Martın 27-də ReAL Partiyasının Yasamal Rayon Təşkilatının sədri Ərəstun Baxşəliyev azad olunub.
O, Gəncə Apelyasiya Məhkəməsinin qərarı ilə sərbəst buraxılıb.
Məlumatı partiyanın sədri İlqar Məmmədov yayıb.
ReAL Partiyasının Yasamal Rayon Təşkilatının sədri Ərəstun Baxşəliyev martın 25-də 10 sutka inzibati cəza almışdı.
İlqar Məmmədov bildirib ki, Ə.Baxşəliyev iki gün həbsdə qalıb:
“Gərək heç bu da olmayaydı, amma ziyanın yarısından da qayıtmaq xeyirdir. Yeni tipdə siyasi rəqabət qurmaq və bu rəqabətdə cümhuriyyətçi ideyalarımızı qalib etmək üçün mübarizəmizə davam. Biz isə hakimiyyətdən dialoq təşəbbüsünün konkret məzmunla doldurmasını hələ də gözləyirik”.