Fələstinin "İslami Cihad" hərəkatının Tehrandakı nümayəndəsi Nasir Əbu Şərif Qarabağ ilə bağlı mövqelərini açıqlayıb.
Arannews-eastnews-a istinadən verdiyi xəbərə görə, Fələstinin "İslami Cihad" hərəkatının Tehrandakı nümayəndəsi Nasir Əbu Şərif Qarabağ ilə bağlı mövqelərini açıqlayıb.
İran İslam Respublikasının paytaxtı Tehran şəhərində keçirilən "Sionist Rejimin Çöküşü və Qüdsün Gələcəyi" başlıqlı seminara qatılan Nasir Əbu Şərif çıxışında Fələstin xalqının cəsur olduğunu vurğulayıb.
Nasir Əbu Şərif video konfrans vasitəsilə qatıldığı seminarda Azərbaycan xalqına da çağırış edib.
"Biz Qarabağı Azərbaycanın ayrılmaz parçası olaraq qəbul edirik. Qarabağ İslam torpağıdır və müsəlman Azərbaycan xalqına aiddir. Əgər Azərbaycan xalqı Fələstini dəstəkləyərsə, biz də gələcəkdə Qarabağ məsələsində Fələstin xalqı Azərbaycanı dəstəkləyəcək", - deyə Nasir Əbu Şərif diqqətə çatdırıb.
O, qeyd edib ki, həm Azərbaycan xalqı, həm də Fələstin xalqı işğala məruz qalıb və eyni dərdə şərikdirlər.