Türkiyənin Xarici işlər naziri Mövlud Çavuşoğlu rusiyalı həmkarı Sergey Lavrov ilə telefon danışığı aparıb
Arannews-Bu barədə “CNN Türk” diplomatik mənbələrə istinadla xəbər yayıb. Məlumata görə, Çavuşoğlu həmkarı Lavrovla görüşündə Ermənistanın atəşkəsə tabe olması mövzusunda xəbərdarlıq edilməsini istəyib. Xatırladaq ki, Ermənistan və Azərbaycan Moskvada keçirilən görüşlər zamanı 10 oktyabr saat 12:00-dan etibarən Dağlıq Qarabağda cənazə və əsir mübadiləsini nəzərdə tutan humanitar atəşkəs barədə qərar vermişdilər. Lakin Ermənistanın işğlaçı ordusu atəşkəsdən 24 saat belə keçməmiş Azərbaycanın Gəncə, Ağcabədi, Mingəçevir şəhərlərinə raketlərlə hücum edib. Gəncəyə gecəyarı edilən raket hücümu zamanı binaların dağıntıları altından 9 cəsəd çıxarılıb, 34 nəfər yaralanıb.