Rusiya prezidenti Vladimir Putin böyük mətbuat konfransı zamanı bir çox məsələlərdən danışıb
Arannews: Rusiya mediasına istinadən xəbər verir ki, Rusiya prezidenti Vladimir Putin böyük mətbuat konfransı zamanı Qarabağın kimə aid olması barədə danışıb.
“Beynəxalq hüquq nöqteyi-nəzərindən Dağlıq Qarabağ Azərbaycanın hissəsidir”, - deyə o bildirib.
Putin ələvə edib ki, Rusiya uzun illər Dağlıq Qarabağın ətrafındakı 7 rayonun Azərbaycana qaytarılması mövqeyindən olub.
O qeyd edib ki, təmas xəttində tez-tez qarşıdurmalar baş verirdi: “Son nəticədə bu, atəşkəsin pozulması ilə nəticələndi. Biz həmişə, bu illər ərzində Qarabağ ətrafında 7 rayonun Azərbaycana qaytarılmasının lazım olması mövqeyindən çıxış etdik“.
Putin qeyd edib ki, (Hətta) Ermənistan (belə) Dağlıq Qarabağın müstəqilliyini tanımayıb: “Beynəlxalq hüquq baxımından bütün bu ərazilər Azərbaycanın ayrılmaz hissəsidir“.
“Moskvanın Qarabağa dair mövqeyi – qan axıdılmadan olan həlldir”, - deyə o bildirib.
Qarabağdakı vəziyyətin nəzarətdən çıxmasına səbəb olaraq Putin gərginliyin illərlə davam etməsini göstərib.
“Nəyə görə (müharibə) məhz indi baş verdi? Vəziyyət nəzarətdən çıxdı, bu gərgin vəziyyət uzun illər ərzində davam edib. Düşünmürəm ki, bu, xaricdən olan hər hansı bir müdaxiləyə görə baş verdi. Dəfələrlə sürtünmələr, atışmalar və kiçik toqquşmalar baş verirdi. Nəticədə də bütün bunlar münaqişəyə çevrildi”, - deyə o, qeyd edib.
Rusiya prezidenti əlavə edib ki, “ən əsası Qarabağda daha insanların ölməməsidir, digər məsələlər isə ikinci dərəcəlidir”.
Atəşkəsin pozulmasına toxunan Putin deyib ki, bu, nadir halda baş verib və “ümid edirik ki, bu cür də qalacaq”.
O, Qarabağdakı Rusiya kontingentinin sayının artırlmasını mümkün adlandırıb, lakin qeyd edib ki, bu, münaqişə tərəflərinin razılığı əsasında baş verə bilər.
Putin həmçinin bildirib ki, digər ölkə və beynəlxalq təşkilatların da sözlərdən əmələ keçərək Qarabağla bağlı yardım edəcəyinə ümid edir.