Bu gün Qusar rayon mərkəzi xəstəxanasının doğum şöbəsində Vətən Müharibəsində şəhid olmuş baş gizir Şahin Hüseynbala oğlu Allahyarovun oğul övladı dünyaya gəlib.
Arannews-verilən məlumata görə, çəkisi 3 kq 600 qram olan körpənin və anası Kəmalə Allahyarovanın vəziyyəti normaldır.
Qeyd edək ki, şəhidimiz Allahyarov Şahin Hüseynbala oğlu, Quba rayonu, Zizik kəndində doğulub. Vətən müharibəsinə könüllü qoşulub. Şahin noyabrın 1-də yüksək zirvəyə - şəhidlik məqamına ucalıb.
Sosisl şəbəkələrdə yayılan videoda şəhid Şahin Allahyarov həyat yoldaşı Kəmalə Allahyarovaya son arzusunu belə bildirmişdi: "Əgər oğlum olarsa, mənim adımı qoyarsınız".
İkinci Qarabağ döyüşlərində şəhid olan Şahin Allahyarovun arzusu çin olub. Belə ki, bu gün dünyaya gələn körpə atası, şəhid Şahin Allahyarovun şərəfinə Şahin adlandırılıb.