Şəhid Qasim Süleymaninin şəxsiyyətinin müxtəlif aspektlərinin tanınması çox illər çəkəcək. Hacı Qasim SEPAH-ın Qüds Qüvvələrində olduğu vaxtdan müsəlman millətlərin həmrəyliyinə çox uca üfüqdən baxmışdır və bu yolda böyük addımlar atmışdır.
Arannews-Müqavimət cəbhəsinin komandiri, general-leytenant Qasim Süleymaninin köməkçisi və yaxın silahdaşı Məhəmmədreza Əsədbeygi Hacı Qasimin Qafqaz bölgəsinin cavanlarına və müsəlmanlarına baxışı haqda xatirələrini paylaşıb.
Təbrizin “Səhənd” televiziya kanalının “İranın-Canı” xüsusi verlişinin qonağı olan M. Əsədbeygi deyib:
Hacı Qasim belə inanırdı ki, Qafqazın cavanları və möminləri həzrət İmam Zamanın (əc) ilk köməkçiləri olacaqdır. O, bu məsələyə tam etiqad bəsləyirdi. Bir dəfə ona dedim: - Sizin dediyiniz bu söz çox ağır və böyükdür. Bu sözünüzə sübutunuz, istinadınız varmı? Dedi: - Bəli, mən mütaliə etmişəm və bilirəm, İmam Zaman (əc) zühur etdikdə ona ilk qoşulanlar Azərbaycan əhalisi olacaq.
M. Əsədbeygi xatirələrinin davamında deyib: Hacı Qasim daim tapşırıq verib deyirdi: “Azərbaycanın cavanları və xalqı Ali-Məhəmmədin kimsəsiz qalmış davamçılarıdır. Onları öz kimliklərinə qaytarmaq lazımdır.”
Qafqaz müsəlmanlarının islami kimliklərinin qaytarılması üçün atılmış addımların nəticəsi özünü Ermənistan-Azərbaycan müharibəsində göstərdi. Belə ki, Azərbaycan ordusununun əsas hissəsini mömin, inanclı şiə cavanlar təşkl edirdi. Bu döyüşdə əsas rolu həmin mömin cavanlar ifa etdilər. Baxmayaraq ki, bu mövzu Azərbaycan KİV-ləri tərəfindən görməməzliyə vuruldu.