ATƏT-in Minsk Qrupu həmsədrlərinin Azərbaycanla sərhəddəki gərginliyi aradan qaldırmaq planı Ermənistan üçün məqbuldur, İrəvan qoşunlarını geri çəkməyə hazırdır və Bakıdan bənzər addımlar gözləyir.
Arannews :TASS-a istinadən xəbər verir ki, bunu Ermənistanın baş naziri vəzifəsini icra edən Nikol Paşinyan "Mülki Müqavilə" partiyasının fəalları ilə görüşdə bildirib.
"Minsk Qrupu tərəflərə qoşunları geri çəkməyi, daha sonra Minsk Qrupunun köməyi ilə sərhədin demarkasiyası və delimitasiyası prosesinə başlamağı təklif edir. Vəziyyət Sotk-Xoznavar hissəsindən gedir. Qoşunlarımızı hər an geri çəkməyə, demarkasiya prosesinə başlamağa hazırıq, Minsk Qrupu həmsədrlərinin danışıqlar apardığı Azərbaycan səlahiyyətlilərindən oxşar addımları gözləyirik", o deyib.