Siyasi məhbusların qohumları və yaxınları məhkumların müalicəsi ilə bağlı çətinliklər barədə danışıblar. Həbsxana həkimlərinin xəstələrin təcili müayinə və xəstəxanaya yerləşdirilmə xahişlərini yerinə yetirmədikləri hallar az deyil.
Arannews : Bu yaxınlarda, hüquq müdafiəçilərinin tələbindən sonra 14 saylı cəzaçəkmə müəssisəsində cəza çəkən Azərbaycanlı jurnalist və hüquq müdafiəçisi Elçin Məmməd Penitensiar Xidmətin müalicə müəssisəsinə köçürülüb.
Amma Ədliyyə Nazirliyinin həkimləri həbsdə olan jurnalist Polad Aslanovun (1 saylı cəzaçəkmə müəssisəsi) zəruri tibbi avadanlıqlarla təchiz edilmiş klinikada müalicə olunması barədə tələbini yerinə yetirmirlər.
Aslanovun həyat yoldaşı – Gülmira bildirir ki, həkimlər ərinə baş çəkiblər, onun ürək-damar sistemini müayinə ediblər və məhkumun vəziyyətinin qənaətbəxş olduğunu bildiriblər. Onun alətlə müayinənin nəticələrini (kardioqram, ultrasəs müayinəsi və s.) vermək tələbinə cavabda aparatlarda xüsusi kağızın qalmadığını bildiriblər.
Gülmira Aslanova Polad Aslanovun zəruri tibbi avadanlıqla təchiz edilmiş mülki xəstəxanada müalicəsinə icazə verilməsi xahişi ilə Penitensiar Xidmətin rəisinə müraciət edir.
O, həmçinin 1 saylı cəzaçəkmə müəssisəsində məhkum Elnur İsmayılovun vəziyyətinin ağır olduğunu bildirib. Həlkimlər onu müalicə etməkdən imtina etdikdən sonra o, dəlici metal predmetlər udub, həzm sistemini zədələyib. Xəstənin qanaxması var və ona tibbi yardım göstərilmir.
Ədliyyə Nazirliyinin Müalicə Müəssisəsinə çoxsaylı telefon zəngləri nəticə verməyib, belə ki, idarənin saytında qeyd edilən iki telefon cavab vermir. Bir müddət əvvəl Ədliyyə Nazirliyinin Müalicə Müəssisəsinin rəisi İftixar Qurbanov Turan-a çox vaxt məhkumların cəzaçəkmə müəssisəsindən müalicə müəssisəsinə köçürülmək üçün ağrılarını şişirdiklərini və hətta xəstəlikləri stimullaşdırdığını bildirib.
Turan Azərbaycan Ombudsman (insan hüquqları üzrə müvəkkil) Aparatından rəsmi məktub alıb. Turan-ın sorğusuna cavabda 18 iyun 2021-ci il tarixi qeyd edilib.
Məktubda bütün cəzaçəkmə yerlərində məhkumların sağlamlığına nəzarət edən müalicə-sanitariya hissələrinin fəaliyyət göstərdiyi qeyd edilir. Ombudsman aparatı bildirir ki, Elçin Məmməd həkim tərəfindən müayinə olunub, nəticədə vəziyyətinin qənaətbəxş olduğu məlum olub. “Hazırda onun stasionar müalicəyə ehtiyacı var”, deyə Aparatdan qeyd ediblər.