Gürcüstan Dini Məsələlər üzrə Dövlət Agentliyinin sədri Zaza Vaşaqmadze İmam Əlinin (ə) mövludu münasibəti ilə şiələri təbrik edib.
Arannews :Bu gün bütün dünyada müsəlmanlar, xüsusilə şiələr dördüncü xəlifənin (miladi 601-661-ci illərdə yaşamış), ilk imam Həzrət Əli ibn Əbu-Talibin, mövludunu qeyd edirlər.
Mötəbər İslam mənbələrinə əsasən, Əli ibn Əbu-Talib İslamı qəbul edən ilk şəxsdir. O İslam dünyasında siyasi və dini baxımdan böyük önəm kəsb edir.
İmam Əlinin (ə) mövludu münasibəti ilə Gürcüstanın Dini Məsələlər üzrə Dövlət Agentliyi şiələri təbrik edib, onlara sülh və əmin-amanlıq arzulayıb.