Rusiya və İranın Çin və Hindistana təklifləri və bu ölkələrdən xam neft ixracatında endirimlər İraqın neft ixracının gələcəyi ilə bağlı narahatlıqları artırıb. Halbuki, İraq büdcəsinin 95%-i neft ixracından asılıdır.
“Aeannews :Tabnak”-a istinadla xəbər verir ki, Rusiya və İranın Çin və Hindistana təklifləri və bu ölkələrdən xam neft ixracatında endirimlər İraqın neft ixracının gələcəyi ilə bağlı narahatlıqları artırıb. Halbuki, İraq büdcəsinin 95%-i neft ixracından asılıdır.
Əvvəlki hesabatlar İraqın bu fərziyyələrdə ən çox itirənlərdən biri olacağına işarə edirdi. Bəziləri hesab edir ki, İraq neftinə onun ən böyük alıcılarından olan Çin və Hindistandan tələbatı azaltmaqla, bu ölkə yeni bazarlar tapmalı olacaq.
İqtisadçı Əhməd Səddam deyir ki, Rusiyanın Hindistan və Çinə ixrac etdiyi neftin hər barelinin qiymətini aşağı salması tələbin istiqamətinin dəyişməsinə səbəb olacaq və bunun nəticəsində Rusiya neftinin ixracının 15,5%-i artıb. Digər tərəfdən, İraqdan neft idxalı səviyyəsində 10,5% azalma ilə üzləşib. Həmçinin İran hazırda ixrac etdiyi neftə 10 dollardan yuxarı endirimlər edir ki, bu da İraqın rəsmi olaraq Çin neft bazarını itirməsinə səbəb olub.
İqtisadçı vurğulayıb ki, tələb səviyyəsindəki bu dəyişiklik neft qiymətlərinin aşağı düşməsinə baxmayaraq, qalan neft bazarlarından, xüsusən də Hindistanın Səudiyyə Ərəbistanından sonra ikinci mənbəyi olan İraq bazarından imtina etmək mənasına deyil. Rusiyadan idxalın payı Hindistanın ümumi tələbatının cəmi 19%-ni təşkil edir. Bunun da gündə təxminən 5 milyon barel olduğu təxmin edilir. Çünki Hindistan Rusiyadan gündə təxminən 950 min barel neft idxal edir. Çin də sutkada 860 min barel, İrandan isə 700 min barel neft idxal edir.