Ermənistan Azərbaycana qarşı hərbi təxribat cəhdləri ilə özünü məhv edir.
Arannews : bunu “Pravda.ru” media holdinqinin hə, “Control Shot” verilişinin aparıcısı Aleksandr Artamonov “Vestnik Kavkaza”nın müxbirinə müsahibəsində Ermənistan ordusunun Azərbaycanın Daşkəsən, Kəlbəcər və Laçın rayonlarına gecə hücumunu şərh edərkən deyib.
"Söhbət təkcə bu təxribatdan deyil, Ermənistanın hələ də həllini tapmamış qlobal problemindən gedir. Ermənistan rəhbərliyinin və şəxsən baş nazir Nikol Paşinyanın Azərbaycanla münasibətlərin nizamlanmasına dair mövqeyi hələ də beynəlxalq hüququn əsas prinsipləri, BMT sənədləri, Azərbaycan, Ermənistan və Rusiyanın 9-10 noyabr 2020-ci ildə imzalanan üçtərəfli bəyanatı kimi qəbul edilmiş qərarlarla köklü şəkildə ziddiyyət təşkil edir", deyə Artamonov qeyd edib.
"Nikol Paşinyan Qarabağ məsələsinin Ermənistan-Azərbaycan həllinin gündəmdə olmamasına inadla məhəl qoymur. Ermənistan ancaq Azərbaycanla münasibətlərindən danışa bilər, Qarabağ Azərbaycan Respublikasının ərazisində bir yerdir. Azərbaycan Respublikasının Qarabağ üzərində suverenliyi beynəlxalq hüquq və BMT-nin dörd qətnaməsi ilə təsdiqlənir, Qarabağdakı etnik ermənilər Azərbaycan vətəndaşlarıdır. Buna baxmayaraq, Ermənistanın baş naziri sentyabrın 8-də bəyanat verir ki, Qarabağ məsələsi onun üçün həll olunmayıb və İrəvan Bakının bu məsələni özünün daxili işi hesab etməsini qəbul edə bilməz. Belə bir bəyanat Paşinyanın iki il ərzində kağız üzərində imza atdığı hər şeyə, eləcə də Qarabağ müharibəsinin nəticələrinə ziddir", deyə hərbi ekspert bildirib.
Nikol Paşinyan sülh yolu ilə nizamlanmanın qarşısını almaq üçün Azərbaycana qarşı hücumlardan istifadə edir və bununla da Qərbdən dəstək tapır.
"Sərhəddə vurulan zərbələrdən sonra Paşinyan birincisi, KTMT-yə müraciət etdi, baxmayaraq ki, Təşkilat həmişə müdaxilə etməyəcəyini vurğulayıb və tərəfləri sülh yaratmağa çağırıb, ikincisi, Paşinyan Fransa prezidentinə zəng etdi. Hətta Brüsselə, Bakı və İrəvanın iştirakı ilə yüksək səviyyəli danışıqların keçirildiyi Şarl Mişelə deyil, birbaşa Ermənistana silah və təlimat verən dövlət başçısı Emmanuel Makrona. Bildiyiniz kimi, Fransa Ermənistanın remilitarizasiyasına töhfə verir. Bu birləşmə nə deməkdir? Paşinyan dəqiq bilirdi ki, KTMT Azərbaycanla döyüşməyə razı olmayacaq və Fransa prezidenti artıq atəşdən istifadənin qəbuledilməzliyi ilə bağlı kommünike hazırlayıb. Bunlar eyni zəncirin halqalarıdır", deyə jurnalist vurğulayıb.
"Lakin sonda Ermənistan özü üçün intihar hazırlayır. Demək olar ki, özünü sülhə məcbur edir, hərbi resursları təxribatlara xərcləyir. Ermənistan Azərbaycanla nə qədər çox qarşıdurmaya girsə, qarşılığında bir o qədər ağır cavab alacaq. Qarabağ müharibəsindən sonra Bakı ordunun yenidən silahlanması üçün büdcəni artırdı və qoşunlarının güclü qalmasını təmin etdi. Ermənistanın istənilən hücumu yalnız onun mövqeyinin pisləşməsinə gətirib çıxaracaq və Bakı bu barədə açıq danışır. Gözləniləndir ki, sonda İrəvanın təxribatları Ermənistanın qanunsuz silahlı birləşmələrinin Azərbaycanın Qarabağ iqtisadi rayonundan çıxarılmasına gətirib çıxaracaq. Ermənistan isə bununla barışmalıdır ki, öz sərhədləri daxilində mövcud olmalı, iqtisadiyyatını sakit şəkildə inkişaf etdirməli, Zəngəzur dəhlizi daxilində işləməli və xalqının rifahını tədricən yaxşılaşdırmalıdır. Əgər bu baş verməsə və Nikol Paşinyanın siyasəti davam etsə, Ermənistanda əhalinin köçü daha da artacaq. İndi diasporda Ermənistan Respublikasında yaşayanlardan üç dəfə çox erməni var və mühacirət dinamikası davam edərsə və ya artarsa, ölkə sadəcə olaraq əhalisizləşəcək, iqtisadiyyatını itirəcək, enerjisini itirəcək. Və burada heç kim Ermənistana kömək edə bilməz", deyə Artamonov əlavə edib.
Hələlik Nikol Paşinyanın kabinetinin işlərin əsl vəziyyəti ilə bağlı hər hansı anlayışı barədə danışmağa ehtiyac yoxdur.
"2021-ci ilin əvvəlində İrəvan döyüş PUA-larının istehsalında özünün hərbi sənayesini inkişaf etdirdiyini açıqlayıb. İrəvan 1200-dən çox əməkdaşı ilə İraqdan sonra ABŞ-ın ikinci ən böyük səfirliyinə ev sahibliyi edir. Paralel olaraq, İrəvan NATO ilə əməkdaşlıq çərçivəsində fransız təlimatçı kontingentini artırır və Fransadan silah idxal edir. Ermənistan suveren dövlət kimi istədiyi ölkədən silah almaq hüququna malikdir, lakin onun NATO-ya sürünən inteqrasiya istiqamətində birbaşa kurs tutduğu açıq-aydın görünür, bunu ən azı İrəvanın ilk dəfə "Defender 2021" təlimlərinə müraicət etməsi, sonra bu müraciətdən geri çəkilməsi sübut edir. Ermənistanın bir anda bütün şahmat taxtalarında oynamaq cəhdi sezilir", deyə ekspert qeyd edib.
"Mən sadəcə təsəvvür edə bilmirəm ki, Ermənistan qisas alacağı təqdirdə nəyəsə arxalana bilər. Azərbaycan ordusunun gücü Ermənistanın gücünü bir neçə dəfə üstələyir, Laçın dəhlizi kifayət qədər asanlıqla bağlanır, separatçıların görünməz şəkildə yenidən hərbiləşdirilməsi qeyri-mümkündür və İrəvan Bakı ilə yeni münaqişə üçün heç vaxt Moskvanın razılığını almayacaq. Amma Ermənistan hakimiyyəti hələ də NATO-nun və Fransa və ABŞ-dakı erməni diasporunun maraqlarına xidmət edən bu təxribat cəhdlərini davam etdirir. Amma Ermənistan hakimiyyəti hələ də NATO-nun, o cümldən Fransa və ABŞ-dakı erməni diasporunun maraqlarına xidmət edən bu təxribat cəhdlərini davam etdirir. Bu oyunçular hər gün Rusiyanı qıcıqlandırmaq, onun cənub sərhədlərində münaqişəni yenidən alovlandırmaq və Azərbaycanın əsəblərini qarışdırmaq üçün Ermənistanı intihara meyilli addımlar atmağa sövq edir. Bütün bunlar isə yalnız Ermənistanda vəziyyətin pisləşməsi ilə başa çatır", deyə jurnalist bildirib.