Tarix : 2022 Sep 24
Kod 62928

Vladiqafqazda minik avtomobillərinin Gürcüstan istiqamətində hərəkəti məhdudlaşdırılıb

Rusiyanı tərk etmək istəyənlərin sayının kəskin artması səbəbilə Vladiqafqazda minik avtomobillərinin Gürcüstan istiqamətində hərəkəti məhdudlaşdırılıb.
Arannews : Gürcüstan bürosu xəbər verir ki, məlumatı "Azadlıq" radiosunun rusdilli xidməti yayıb. Bildirilib ki, sentyabrın 23-də saat 03:30-dan etibarən Vladiqafqazda Moskovskiy və Kosta prospektlərində nəqliyyatın hərəkəti məhdudlaşdırılıb və Gürcüstanla gömrük-keçid məntəqəsi istiqamətində yalnız yerli qeydiyyat nişanına malik avtomobillər buraxılır.
 bu səbəbdən Gürcüstan sərhədinə doğru insanlar piyada, skuterlə, velosipedlə, bəzi hallarda isə yerli sakinlərdən onları sərhədə çatdırması üçün ödəniş etməklə gəlirlər.
Şimali Osetiya rəsmiləri yaranmış vəziyyətə dair rəy bildirməyib.
  • Yazılıb
  • da (də) 2022 Sep 24
  • Göndərən جهان کمالی