İslam İnqilabı Keşikçiləri Korpusunun Quru Qoşunlarının komandanı deyib: İndiyədək 73 yerdən-yerə tipli ballistik raket və onlarla dağıdıcı pilotsuz uçuş aparatı terrorçuların İraqın Kürdüstan bölgəsindəki qərargah və mövqelərini dəqiqliklə vuraraq tam məhv edib.
Arannews :Fars xəbər agentliyinin verdiyi məlumata görə, İslam İnqilabı Keşikçiləri Korpusunun Quru Qoşunlarının komandanı briqada generalı Məhəmməd Pakpur Həmzə Seyid əş-Şohəda (ə) düşərgəsi hərbiçilərinin separatçı terrorçuların qərargahlarına qarşı apardığı əməliyyata toxunaraq, deyib: Bu əməliyyatda terrorçuların İraqın Kürdüstan bölgəsindəki qərargahı vuruldu.
General Pakpur açıqlayıb: Əməliyyatın yeni mərhələsində 42 yerə səpələnmiş və bəzi hallarda bir-birindən 400 kilometr aralıda olan antiiran separatçı terrorçuların qərargahları məhv edilib.
İslam İnqilabı Keşikçiləri Korpusunun quru qüvvələrinin komandanı İraq Kürdüstan bölgəsinin hakimiyyət orqanlarının İran İslam Respublikasına qarşı antiinqilabçı terror qrupları və sui-qəsdçilərin toplanması üçün qərar qəbul etməsinin zəruriliyinə işarə edərək, vurğulayıb: İslam döyüşçülərinin İraq Kürdüstanı bölgəsində yuva qurmuş inqilab əleyhdarı və separatçı terror qruplarının tamamilə tərksilah edilməsinə qədər əməliyyatı davam edəcək.