Sabah Qazaxıstanın paytaxtı Astanada Qarşılıqlı Fəaliyyət və Etimad Tədbirləri üzrə Müşavirənin (CICA) 6-cı Zirvə Görüşü keçiriləcək.
Arannews :Astana sammiti oktyabrın 12-13-nü əhatə edəcək.
Qazaxıstan Xarici İşlər Nazirliyinin mətbuat katibi Aybek Smadiyarov bildirib ki, sammitə Qazaxıstan Respublikasının prezidenti Kasım-Jomart Tokayev rəhbərlik edəcək.
Onun sözlərinə görə, CICA-nın 6-cı sammitində Rusiya, Türkiyə, Pakistan, Qətər, İraq, Özbəkistan, Qırğızıstan, Azərbaycan, İran, Fələstin və Tacikistan da daxil olmaqla 11 ölkənin başçılarının iştirakı planlaşdırılır.
Bəzi üzv ölkələr sammitdə nazir müavini və ya vitse-prezident səviyyəsində iştirak edəcək.
Qeyd edək ki, CICA-nın 4-cü sammiti 2014-cü ilin mayında Çinin Şanxay şəhərində, beşincisi isə 2019-cu ilin iyununda Tacikistanın paytaxtı Düşənbədə keçirilib.
CICA Asiyada sülh, təhlükəsizlik və sabitliyin təmin edilməsi məqsədi ilə əməkdaşlığı gücləndirmək üçün beynəlxalq forumdur.
Hazırda CICA-nın 22 üzvü və 12 müşahidəçi üzvü var. Müşahidəçi üzvlərə Birləşmiş Millətlər Təşkilatı, Avropada Təhlükəsizlik və Əməkdaşlıq Təşkilatı (ATƏT), Ərəb Liqası kimi təşkilatlar, eləcə də Malayziya, İndoneziya, Belarus, Yaponiya, Laos, Filippin, Türkmənistan Ukrayna və ABŞ kimi dövlətlər daxildir.