Ukrayna tərəfi texniki məsələlərlə bağlı toplantıda Rusiyanın İran PUA-larından müharibədə istifadə etməsinə dair bir sübut təqdim etməyib və onu gələn görüşlərə təxirə salıb.”
Arannews : xəbər verir ki, bunu İranın müdafiə naziri Məhəmməd-Rza Aştiyani deyib.
O, İran və Ukraynalı mütəxəssislərin toplantısı ilə bağlı açıqlamasında bildirib ki, Ukrayna tərəfi bu görüşdə İran PUA-larının Rusiya tərəfindən müharibədə istifadə edilməsinə dair sübut təqdim etməyib və onu gələn görüşlərə təxirə salıb.
“Əlbəttə ki, bu mövzu araşdırılası məsələ deyil, çünki bu zəmində deyilən sözlərin çoxu əsassızdır və şayiələrə söykənir”, deyə İran müdafiə naziri bildirib.
O sözlərini belə davam etdirib:
“İran İslam Respublikası və Rusiyanın hərbi əməkdaşlığı öncədən olub, amma bu zəmində İran PUA-larının Rusiya müharibəsində istifadəsinə dair əməkdaşlıq baş tutmayıb.”