İran prezidenti deyib: İran Ukraynada müharibənin sona çatmasında fəal və konstruktiv rol oynamağa hazırdır.
Arannews : xəbər agentliyinin məlumatına görə, Seyid İbrahim Rəisi çərşənbə günü Rusiya prezidenti Vladimir Putinlə telefon danışığında iki ölkə arasında iqtisadi əməkdaşlığın, xüsusən də tranzit və enerji sahəsində davamlı şəkildə əməkdaşlıqların genişləndirilməsinin vacibliyini vurğulayıb və bu əməkdaşlıqların hər iki tərəfin xalqları həmçinin region ölkələri üçün faydalı olduğunu bildirib.
Prezident Qafqaz və Suriya da daxil olmaqla, regional məsələlərin yalnız əməkdaşlıq və koordinasiya yolu ilə həll oluna biləcəyini vurğulayaraq bildirib: İran İslam Respublikası həmişə regional inteqrasiyanın gücləndirilməsinə və xarici müdaxilənin zərərliliyinə xüsusi diqqət yetirir.
Bu telefon danışığında Rusiya Prezidenti Vladimir Putin hərtərəfli iqtisadi əməkdaşlığı iki ölkə arasında əlaqələr üçün çox səmərəli adlandırıb və əlavə edib: İki ölkənin imkanlarının və əməkdaşlığının, o cümlədən tranzit və enerji sahəsində genişləndirilməsi bütün Avarasiya iqtisadiyyatlari üçün faydalıdır.
Çıxışının digər hissəsində Putin İranın Ukraynada sülhün bərqərar olması təşəbbüsünü alqışlayıb və Suriya problemlərinin həlli üçün “Astana” çərçivəsində koordinasiyanı vurğulayıb.