Hərbi Hava Qüvvələrinin komandanı deyib: “İran İslam Respublikası Hərbi Hava Qüvvələrinin Vilayət Səması Fədailəri 11-ci hərbi hava təliminin əsas və əməliyyat mərhələsi bu axşam başlayacaq.”
arannews.com : Briqada generalı Həmid Vahidi İran İslam Respublikası Hərbi Hava Qüvvələrinin “Vilayət Səması Fədailəri 11” təliminin əsas mərhələsinin başlanması haqda açıqlama verərək deyib: “Bu axşamdan başlayaraq “Vilayət Səmasının Fədailərinin hərbi hava qüdrəti 11” təlimi ordunun bütün hərbi hava qüvvələri bazalarının iştirakı və İsfahanın Anarək şəhərinin ümumi ərazisindəki Şəhid Babayi Hava Bazasının mərkəz olması ilə keçiriləcək.”
Həmid Vahidi son bir neçə gündə bu qüvvələrin bəzi təyyarə və qırıcılarının İsfahan bazasına yerləşdirildiyini bildirərək deyib: “Bu təlimdə bütün ixtisaslarını ölkə daxilində və yerli müəllimlərin nəzarəti altında öyrənmiş gənc və yaradıcı kadrlar 92 növ döyüş təyyarəsi, bombardmançı və hər cür kəşfiyyat və fotoqrafiya əməliyyatlarını həyata keçirmək üçün pilotsuz təyyarələrinin iştirakı ilə hava və yer hədəflərinin məhv edilməsi, psixoloji əməliyyatlar, elektron müharibə və mülki müdafiə, yeni hazırlanmış sistemlərin və müasir avadanlıqların sınaqdan keçirilməsi kimi əməliyyatları icra edəcəklər.”
O, əlavə edib: “Bu təlim Həzrət Xatəmül-Ənbiya (s) mərkəzi düşərgəsinin təsdiq etdiyi təlimlər sırasındadır və döyüş qüdrətinin yüksəldilməsi məqsədilə müxtəlif növ pilotlu və pilotsuz təyyarələrdən istifadə etməklə real şəraitdə döyüş üçün uyğun modelin əldə edilməsi planlaşdırılır və iki istiqamətdə həyata keçirilir.”
Briqada generalı Vahidi açıqlamasının davamında deyib ki, bu təlim Hərbi Hava Qüvvələrinin özünü təmin etməsinə və özünə inamına əsaslanır. Təlim müddətində gənc, istedadlı, zəkalı, təlim keçmiş və qüdrətli pilotlar bu ilahi qüvvənin ekspert və sadiq texniki heyəti ilə birlikdə səkkiz illik müqəddəs müdafiə veteranlarının təcrübəsindən istifadə edərək, döyüş taktikasını, müxtəlif növ statik və hücum pilotsuz uçuş aparatları ilə nöqtə və məhvetmə əməliyyatlarını həyata keçirəcəklər.
Vahidi bu təlimin mühüm mesajının regionda dostluq, sülh, əmin-amanlıq və təhlükəsizlik olduğunu vurğulayaraq deyib: “Sabit təhlükəsizlik, regional əlaqələrin inkişafı və möhkəmləndirilməsi, mehriban qonşuluq və ölkənin hava sərhədlərinin müdafiəsi təlimin əsas hədəfi sırasındadır.”