arannews.com:irna-Fələstin müqaviməti bu döyüşdə sionist rejimə ağır dərslər verdi, düşmənin döyüş cəbhələrini bir-birindən ayırmaq və ya bu cəbhələrin hər biri ilə ayrılıqda qarşılaşmaq planlarını iflasa uğratdı. Müqavimət və Fələstin xalqının böyük fədakarlığının, xüsusən də başda şəhid Teysir əl-Cəbəri olmaqla bir sıra müqavimət komandirlərinin şəhadəti sayəsində bu döyüş çəkindirmə balanslarını təsbit etdi, müqavimət yolunun düzgünlüyünü, sionist düşmənin ideya və layihələrinin məğlubiyyətini bir daha sübut etdi.
5 avqust 2022-ci il tarixində günortadan sonra saat 5 radələrində, işğalçı qüvvələr Fələstin İslami Cihad Hərəkatının hərbi qolu olan Səraya əl-Qüdsün şimal bölgəsinin komandiri Teysir əl-Cəbərinin Qəzza şəhərinin Şühəda küçəsində yerləşən “Fələstin Qülləsi” binasının yeddinci mərtəbəsindəki mənzilinə hava hücumu edərək onu terror etdilər. Axşam saat 9-da Səraya əl-Qüds bu hücuma cavab olaraq işğal olunmuş ərazilərə onlarla raket ataraq Cəbhə Birliyi döyüşünün başladığını elan etdi.
İşğalçılar, komandir Cəbərini terror etməklə Səraya əl-Qüdsün zədələdiyi çəkindirmə vəziyyətini bərpa edə biləcəklərini, İslami Cihad Hərəkatını aradan qaldırmaq, onun xalq bazasını təhrik etmək və bu hərəkatı Fələstin cəbhəsində təcrid etmək üçün öz “hərbi hücumu” çərçivəsində qabaqlayıcı zərbə endirəcəklərini düşünürdülər.
Bununla belə, İslami Cihad Hərəkatı və onun hərbi qanadı sionist rejimin ertəsi gün Qəzzanın cənubundakı Rəfah şəhərinə hava hücumu zamanı Səraya əl-Qudsun cənub bölgəsinin komandiri Xalid Mənsuru terror etməsinə baxmayaraq möhkəm dayandı, bu terrora cavab olaraq işğal olunmuş ərazilərdəki sionist hədəflərə raket hücumlarının intensivliyini artırdı, döyüşün hərbi performansını və cəbhə rəhbərliyini nümayiş etdirdi. Beləliklə, raket və minaatan hücumları 56 saat davam etdi, işğal olunmuş ərazilərin hamısı Səraya əl-Qüdsün hədəfi altında idi. Raket hücumlarının diqqət mərkəzində Qəzza zolağı ətrafındakı sionist yaşayış məntəqələri idi. Sionist rejim ordusunun işğal olunmuş ərazilərinin Qəzza ilə sərhədi boyunca yerləşən hərbi mövqeləri ilə birlikdə bu ərazinin ətrafındakı bütün 58 sionist yaşayış məntəqəsi hədəfə alınmışdı. Ərəb ölkələri, xüsusən də Misirin vasitəçiliyindən sonra bu döyüş dayandırıldı. Bu vasitəçilik İslami Cihad Hərəkatı ilə işğalçı rejim arasında iki fələstinli məhbus Avadeh və Əl-Sədinin azad edilməsini və sərhəd keçidlərinin açılmasını vurğulayan razılaşmaya gətirib çıxardı. İşğalçılar şərtləri yerinə yetirdilər, lakin Əl-Sədinin azad edilməsi ilə bağlı bəndi pozdular.
İşğalçılar Qəzza zolağına hərbi müdaxilə etdikləri günlərdə, xüsusilə bu bölgənin şimal və cənub bölgələrinə hücumlarda Fələstin xalqına qarşı qırğınlar törətdilər. Onların arasında 17-si uşaq olmaqla 49 fələstinlinin şəhid olduğu, yüzlərlə insanın yaralandığı “Əl-Fəlucə qəbiristanlığı” qətliamı da var.
İşğalçılar Səraya əl Qüds raketlərinin bir çox mövqelərinə vurduğu itki və zərərləri medianın hərbi senzurası ilə ört-basdır etməyə çalışsalar da, döyüşdən bir neçə gün sonra 13-ə yaxın sionistin məhv edildiyi məlum oldu. Baxmayaraq, işğalçılar onların yol qəzalarında həlak olduqlarını iddia etdilər.
İşğalçılar əsas məqsədlərinə, yəni İslami Cihad Hərəkatının və müqavimətin sevimliliyinin zəiflədilməsinə, nail ola bilmədilər. İslami Cihad eyni vaxtda bir çox yerdə (Qəzza, Cenin, Beyrut, Dəməşq) böyük kütlənin iştirakı ilə şəhidlərinə anım mərasimləri keçirdi. Bu, İslami Cihad Hərəkatının yanaşmasını, yolunu və Fələstin müqaviməti variantını təsdiqləyən aydın referendum idi.