İranın Rusiyadakı səfiri deyib: “İranın BRİKS-ə üzv olması İranı beynəlxalq aləmdə təcrid etmək planının iflasa uğradığını göstərir. Bundan sonra biz yüksək daxili imkanlarımızdan istifadə edərək, BRİKS üzvləri ilə ticarət əlaqələrində daha uyğun hərəkət və reaksiya verə bilərik.”
arannews: İran İslam Respublikasının Rusiyadakı səfiri Kazim Cəlali İRNA-nın xarici siyasət üzrə müxbiri ilə söhbətində ölkəmizin Prezidenti Ayətullah İbrahim Rəisinin Cənubi Afrikaya səfəri və bu qrup liderlərinin toplantısında iştirakının ardınca İranın BRİKS qrupuna üzv olmasının faydaları ilə bağlı deyib ki, İranın BRİKS-ə üzvlüyü bir neçə istiqamətdə mühüm mesajlar ehtiva edir. Biri odur ki, İran İslam Respublikasını təcrid etmək mümkün deyil və ona qarşı sanksiyalar təsirsizdir. Ötən illərdə düşmənlər İranı təcrid vəziyyətinə düşən ölkə kimi qələmə verməyə çalışırdılar.
Düşmənin İranı beynəlxalq aləmdə təcrid etmək planında faktiki olaraq uğursuzluğa düçar olduğunu vurğulayan səfir deyib: “Təxminən iki il əvvəl İran İslam Respublikası Şanxay Əməkdaşlıq Təşkilatına üzv oldu. Bəzilərinin İranın BRİKS-ə bu qədər asanlıqla üzv olacağını düşünməməsinə baxmayaraq, bu baş verdi.
BRİKS təşkilatının formalaşmasının əsas müddəası ondan ibarətdir ki, güclü iqtisadi infrastruktura malik olan ölkələr bir növ bir yerdə olsunlar və iqtisadi sahədə geniş baza yarada bilsinlər.”
Cəlali qeyd edib ki, Amerika keçmişdə və indi öz iqtisadi gücündən və dolların təsir rıçaqlarından sui-istifadə edərək dünyanın iqtisadi strukturunu və ticarət mübadilələrini mənimsəmək üçün bütün səylərini göstərir.
BRİKS qrupuna daxil olan 5 ölkənin ərazi böyüklüyü, əhalisi, iqtisadiyyatı və dünya arenasında yüksək siyasi potensialı da daxil olmaqla güc komponentlərinə malik olduğunu bildirən səfir vurğulayıb: “Əvvəldən beynəlxalq sistemdə təktərəfliliyə qarşı güclü iradəyə malik olan və hal-hazırda da eyni iradəni izləyən İran İslam Respublikası BRİKS təşkilatının iqtisadi və siyasi hədəflərinin irəliləməsinə böyük töhfə verə bilər.”