Çin Xalq Respublikasının Tehrandakı səfiri cənab Çanq Hua İRNA üçün eksklüziv məqalədə BRİKS liderlərinin son iclası və İran İslam Respublikasının qrupa tamhüquqlu üzvlüyündən söz açıb, BRİKS ölkələri arasında əməkdaşlığın gələcəyini ümidverici və parlaq adlandıraraq yazıb: “BRİKS ölkələri beynəlxalq strukturun formalaşmasında mühüm qüvvəyə çevrilib.”
arannews: irna-Çanq Huanın İRNA üçün “BRİKS əməkdaşlığı; parlaq gələcək vəd edir” adlı eksklüziv məqaləsinin tam mətni belədir: Bu il avqustun 22-dən 24-dək Cənubi Afrika Respublikasının Yohannesburq şəhərində BRİKS-in 15-ci sammiti keçirildi. Bu iclasda İran, Səudiyyə Ərəbistanı, Misir, Birləşmiş Ərəb Əmirlikləri, Argentina və Efiopiyanı rəsmi olaraq BRİKS ailəsinə üzv olmağa dəvət edən “15-ci BRİKS Sammitinin Yohannesburq Bəyannaməsi” təsdiqlənərək nəşr edildi.
Bu iclasın bütün dünyanın diqqətini cəlb edən səmərəli və çox mühüm nəticələri var.
BRİKS ölkələri beynəlxalq strukturun formalaşmasında mühüm qüvvəyə çevrilib. Hazırda dünya yeni iğtişaşlar və dəyişikliklərlə qarşılaşıb, əsaslı düzəlişlərə, fərqlərə və fundamental təşkilatlanmağa məruz qalır, güvənsizlik, qeyri-sabitlik və gözlənilməzlik faktorları artmışdır. BRİKS qrupu 17 il əvvəl yarandığı gündən həmişə özünün açıq, əhatəli və qazan-qazan əməkdaşlıq ruhuna sadiq qalıb, həmrəyliyi və əməkdaşlığı gücləndirib, ədalət və insafı dəstəkləyib, birgə inkişaf ardınca olub. Onun təsiri günü-gündən artır, inkişaf etməkdə olan bazarlar və inkişaf etməkdə olan ölkələr üçün əsas əməkdaşlıq platformasına çevrilib və beynəlxalq idarəetmənin daha böyük ədalətə doğru inkişafına kömək edir.