Xarici İşlər naziri Suriyanın Baş naziri ilə görüşdə ona birinci vitse-prezidentin İran-Suriya Ali Komissiyasının 15-ci İclasında iştirak etmək üçün Tehrana səfər etmək dəvətini çatdırıb.
arannews:irna-Xarici İşlər naziri Hüseyn Əmir Abdullahiyan Dəməşqdəki ilk görüşündə çərşənbə günü Suriyanın Baş naziri Hüseyn Ərnusla görüşüb.
Görüşdə Əmir Abdullahiyan Birinci vitse-prezident Məhəmməd Müxbirin salamlarını və İran - Suriya Ali Komissiyasının 15-ci İclasında iştirak etmək üçün Suriyanın Baş nazirini Tehrana səfərə dəvətini çatdırıb və bu iclasın keçirilməsinin iki ölkə arasındakı münasibətləri sürətləndirmək üçün vacib olduğunu qeyd edib.
Xarici İşlər naziri Suriyanı İranın dostu, qardaşı və müttəfiqi, İranı da Suriyanın çətin günlərinin dostu adlandırıb, iki ölkə arasında qardaşlıq əlaqələrinin gücləndirilməsinin vacibliyini vurğulayıb.
Əmir Abdullahiyan iki ölkə prezidentinin Dəməşqdə əvvəlki görüşünü və imzalanmış müqavilələri iki ölkə arasında əlaqələrin hərtərəfli inkişafı üçün Tehran və Dəməşqin yüksək iradəsi və əzmkarlığının göstəricisi adlandırıb.
Xarici İşlər naziri həmçinin Suriyanın yüksək rütbəli nümayəndə heyətinin Tehrana son səfərini və keçirilən müxtəlif görüşləri, ticarətin asanlaşdırılması, bank əməkdaşlığı, avtomibil istehsalı zavodu, enerji, o cümlədən neft, qaz və elektrik enerjisi sahəsində əməkdaşlığı zəruri hesab edib, bu sazişlərin həyata keçirilməsi üçün hər iki hökumətin dəstəyinin əhəmiyyət kəsb etdiyini bildirib.
Əmir Abdullahiyan İran İslam Respublikası Prezidentinin Dəməşqə səfəri zamanı iki ölkə arasında hərtərəfli əməkdaşlıq sənədinin imzalanmasına toxunaraq, bunu iki ölkə arasında razılaşdırılmış ortaq sahələrdə əməkdaşlığın gücləndirilməsinə kömək edə bilən hərtərəfli əməkdaşlıq üçün yol xəritəsi hesab edib.