Xoy şəhərinin Razi sərhəd gömrüyünün rəisi bu sərhəddə piyada keçidinin əhəmiyyətli dərəcədə artmasına işarə edərək dedi: Bu məntəqədə gündəlik piyada keçidi ilk dəfə olaraq beş rəqəmli olaraq 11 min nəfərdən çox şəxsə çatıb.
arannews:irna-Reza Pursəhab şənbə günü İRNA müxbiri ilə müsahibədə əlavə etdi: Razi sərhədi ölkənin ən mühüm və intensiv sərhədlərindən biridir və Razi sərhəd terminalı istifadiyə verildikdən sonra ilk dəfə olaraq sentyabrın 13-də piyada keçidi sayı 10 mini keçib və 11,084 nəfərə çatıb.
O əlavə etdi: Habelə, həmin gün Razi sərhədindən 742 nəqliyyat vasitəsi keçib.
Sərnişinlərin sərhəddən keçidinin sürətləndirilməsi üçün görülən tədbirlərə toxunan sərhəd terminalının Razi gömrüyünün rəisi deyib: Görülən tədbirlər və pasport polislərinin sayının artırılması ilə sərnişinlərin keçidi sürətləndirilib.
Pursəhab əlavə etdi: Sərhəd terminalının iş qrafikinin 24 saatlıq olması, insanların gediş-gəlişinin asanlığına və artmasına birbaşa təsir etdi və yeni terminal binasının tamamlanmasına və Razi sərhədinin 24 saatlıq iş rejiminə görə, insanlar ölkəni tərk edərkən və ölkəyə daxil olarkən bu sərhəddən keçməyə üstünlük verirlər.
O dedi: Müvafiq infrastrukturun yaradılması və görülən tədbirlər sayəsində Razi sərhədinin ölkənin ən intensiv sərnişin sərhəd terminalına çevriləcəyi gözlənilir.
Razi sərhəd terminalının rəisi əlavə etdi: Xoy şəhərinə qonşu şəhərlərdə yaşayan turistlərdən xahiş edirik ki, pik saatlarda Razi sərhəd terminalına gəlməsinlər və nəqliyyatın hərəkətini asanlaşdırmaq üçün günortadan sonra və gecə sərhədə gələ bilərlər.
İRNA-nın məlumatına görə, Xoy şəhəri, Razi sərhədi ölkənin Türkiyə ilə ən gözəl sərhədlərindən biridir və əyalətin gömrükləri arasında ən çox sərnişin axınına malikdir.
Bu sərhədin yeni sərnişin terminalı bu il Yol və Şəhərsalma naziri tərəfindən istifadəyə verilib.
Razi Xoy şəhərindən təxminən 55 km məsafədə yerləşir və Türkiyənin Van vilayəti ilə həmsərhəddir.