Ustad Şəhriyarın anım mərasimi keçirilib

Tarix : 2023 Sep 19

Kod 63964

Short Link:

Ustad Şəhriyarın anım mərasimi keçirilib

Fars şeiri və ədəbiyyatı günü və Ustad Şəhriyarın xatirəsini anma mərasimi Təbrizdə İran İctimaiyyətlə Əlaqələr Dərnəyinin səyi və bir qrup şair, ədəbiyyat sahəsi üzrə tədqiqatçılar və bu xalq şairini sevənlərin iştirakı ilə keçirilib.

Aran News-un məlumatına görə, Fars şeiri və ədəbiyyatı günü və Ustad Şəhriyarın anım günü ilə bağlı mərasimi 17 sentyabr 2023-cü il axşam İran İctimaiyyətlə Əlaqələr Dərnəyinin Şərqi Azərbaycan əyaləti üzrə nümayəndəliyi və İranşünaslıq Fondunun dəstəyi ilə birlikdə Təbrizdəki Şərbətoğlu tarixi sarayında keçirilib.
Bu mərasimdə Seyid Hadi Behcət Təbrizi (Ustad Şəhriyarın oğlu), Baqir Sədriniya (İran İslam Respublikası Fars Dili və Ədəbiyyatı Akademiyasının üzvü), Rəhman Müştaqmehr (Şərqi Azərbaycan əyaləti, Şəhid Mədəni Universitetinin fars dili və ədəbiyyatı professoru), Məhəmməd Tahiri Xosrovşahi (Şərqi Azərbaycanın İran Araşdırmaları Fondunun prezidenti və Təbriz Universiteti Fars Dili Mərkəzinin rəhbəri) Məhəmməd Əzizi Rad (Şərqi Azərbaycan Valiliyinin İctimaiyyətlə Əlaqələr və Beynəlxalq Əlaqələr üzrə Baş direktoru) fars poeziyası və ədəbiyyatında Ustad Şəhriyarın mövqeyi haqqında çıxış ediblər.

Daha sonra proqramın davamında Almaniyanın Köln şəhərindən Yelda Ebtehacın (Ustad Huşəng Ebtehacın qızı) iştirakçılara videomüraciəti yayımlanıb və o, Saye ilə Şəhriyarın 40 illik dostluğundan danışıb.

Mərasimin yekun hissəsində professor Əbülfəzl Əli Məhəmmədinin (tədqiqatçı və yazıçı) elmi və ədəbi mövqeyi yüksək qiymətləndirilib. Qeyd etmək lazımdır ki, onun şəhriyarşünaslıq və türk və fars ədəbiyyatı sahəsində tədqiqat apardığı iyirmi cilddən çox kitabı və nüfuzlu elmi və ədəbi jurnallarda yüz əlli məqaləsi mövcuddur.

Qeyd edək ki, İranın məşhur şairi Ustad Şəhriyarın vəfatının ildönümü olan 18 sentyabr, Mədəni İnqilab Ali Şurasının təsdiqi ilə Milli Fars Şeiri və Ədəbiyyatı Günü adlandırılıb.