Şəhid Beheşti Universitetinin müəllimi Cəmilə Ələmul-huda ABC kanalına müsahibəsində İran və ABŞ xalqları arasında münasibətlərin yaxşılaşmasını alqışladığını bildirərək qeyd edib: Xalqlar arasında inamsızlığın getdikcə azalması sevindirici haldır.
arannews:irna-Şəhid Beheşti Universitetinin professoru Amerika hökuməti ilə Amerika xalqının İran xalqına baxışları arasındakı fərqə toxunaraq dedi: Amerika hökumətinin İran xalqına, xüsusilə də iranlı qadınlara qarşı bu cür sanksiyalar tətbiq etməsi təəccüblüdür. Amerika xalqının isə belə bir fikri yoxdur. Amerika hökuməti öz xalqının fikrini bilmir? Məgər bilmirmi ki, əhalisi İran xalqının sülh və rahatlıq içində yaşamasını istəyir?
Ələmul-huda Amerika mediasına verdiyi tövsiyədə qeyd etdi: Sadiq bir jurnalist və media olaraq, İran xalqının reallığını Amerika xalqına və bütün dünyaya izah etməyiniz yaxşıdır. Bu sizin peşəkar missiyanızdır, ümid edirəm bu peşəkar missiyada uğur qazanacaqsınız.
Ələmul-huda deyib: Amerika İran xalqının idealları olduğunu və öz idealları uğrunda çalışmasını qəbul etmək istəmir. İranda keçirilən seçkilər və səkkiz illik müqəddəs müdafiə dövrü bunu təsdiq edir. İran xalqı sanksiyalara dözür, lakin təslim olmur. Amerikanın özünü tərəfdarı hesab etdiyi demokratiya sahəsindəki iddiasını nəzərə alaraq, əgər İran reallıqlarına inansalar, nəticədə İran və Amerika arasında münasibətlər fərqli olacaq.
Şəhid Beheşti Universitetinin akademik heyətinin üzvü keçən il İranda ilk Beynəlxalq Nüfuzlu Qadınlar Konqresinin keçirilməsinə toxunaraq dedi: Keçən il biz Beynəlxalq Nüfuzlu Qadınlar Konqresinin keçirilməsinə nail olduq və müxtəlif ölkələrdən qadınları və digər ölkələrin universitetlərindən professorları dəvət etdik ki, İrana səyahət etsinlər və iranlı qadınların nailiyyətlərinin sərgisini ziyarət etsinlər. Bu konfransda iştirak edən xarici qonaqlar iranlı qadınların bu həddə inkişafına təəccübləndilər.
Ələmul-huda davam etdi: Siz İran daxilindəki universitetləri ziyarət etsəniz və qadın professorları müşahidə etsəniz, onda görəcəksiniz ki, iranlı qadınlar müxtəlif elmi, texnologiya, idman, və s. sahələrdə çoxlu inkişaf etmişlər. Bir cəmiyyətdə azadlıq olmasa, o cəmiyyətin qadınları bu dərəcədə irəliləyə bilməz.
Bu söhbətin sonunda o, CNN telekanalının aparıcısına dedi: İstəsəniz, İrana gəlməyinizə, təhsilli və intellektual iranlı qadınlarla görüşməyinizə mütləq kömək edəcəm. Amerika qadınlarını İran mədəniyyətini öyrənmək üçün İrana səfərə dəvət edirəm. Əminəm ki, bu, maraqlı bir təcrübə olacaq. Siz İranda olduğunuz müddətdə mənim qonağım olacaqsınız.