İngiltərənin “British Petroleum” (BP) neft şirkəti Yəmən Milli Ordusunun Qırmızı dənizdə hərbi hərəkətlərinin artmasının ardınca bu strateji marşrutda bütün neft yüklərinin göndərilməsini dayandırdığını açıqlayıb.
arannews:irna-neft nəhəngi bazar ertəsi bir bəyanat yayaraq, bu qərarı Qırmızı dənizdə özlərinin adlandırdıqları "təhlükəsizlik vəziyyətinin pisləşməsi"-nə görə qəbul etdiyini iddia edib. BP-nin bəyanatında deyilir: "İnsanlarımızın və bizim adımızdan işləyənlərin asayişi və təhlükəsizliyi prioritet məsələdir. Bununla belə, Qırmızı dənizdə gəmiçilik üçün təhlükəsizlik vəziyyətinin pisləşməsini nəzərə alaraq, BP Qırmızı Dəniz vasitəsilə bütün tranziti müvəqqəti olaraq dayandırmaq qərarına gəlib."
Bundan əvvəl nüfuzlu gəmiçilik şirkəti "MSC" də Qırmızı dəniz sabitləşənə qədər bu strateji ərazidə nəqliyyatın qarşısını almaq üçün öz konteyner gəmilərinə əmr verdiyini açıqlamışdı. Məlumatlar göstərir ki, Yəmən Milli Ordusunun əməliyyatlarından sonra Süveyş kanalı ilə səfərlər də dayandırılıb.