Xarici işlər naziri İran İslam Respublikasının Naxçıvandakı yeni baş konsulu ilə görüşündə rəsmi Tehran və Bakı arasında əməkdaşlığın inkişaf etdirilməsinin zəruriliyini vurğulayıb.
arannews:irna-İran İslam Respublikasının Naxçıvandakı yeni baş konsulu Əziz Mənsuri vəzifəsini icra etməyə yola düşməsi ərəfəsində çərşənbə günü xarici işlər naziri Hüseyn Əmir Abdullahian ilə görüşüb və İran İslam Respublikasının Naxçıvandakı Baş Konsulluğunun yeni iş dövründə qarşıdakı planlar haqqında hesabat təqdim edib.
Bu görüşdə xarici işlər naziri Əmir Abdullahian İran İslam Respublikası ilə Azərbaycan Respublikası arasında qonşuluq siyasəti çərçivəsində əlaqələrə toxunaraq, iki ölkə arasında əməkdaşlığın ölkəmizin Azərbaycan Respublikasındakı nümayəndələri vasitəsilə inkişaf etdirilməsinin vacibliyini vurğulayıb.
Mənsuri bundan əvvəl çoxtərəfli maliyyə və kommersiya əməkdaşlığı, enerji və nəqliyyat departamentinin sədri vəzifəsində çalışıb.