ARANNEWS:IRNA-Beynəlxalq Atom Enerjisi Agentliyinin Baş direktoru Rafael Qrossi Direktorlar Şurasının rüblük iclasında növbəti dəfə qeyri-peşəkar açıqlamalar verib. Onun İranın müfəttişlərin təyinatını ləğv etməsi ilə bağlı natamam sözləri, texniki tədbirlər əvəzinə siyasi tədbirlərə əl atması, həmçinin Qrossinin sionist rejimin nüvə silahından istifadə təhlükəsi ilə bağlı hərəkət növünə diqqət yetirmək çox vacibdir. Bu baxımdan qeyd olunan sahələrdə 3 məqama diqqət yetirmək əhəmiyyətli görünür:
Birinci; İran İslam Respublikası tərəfindən agentliyin ölkəyə təyin edilmiş 8 müfəttişin təyinatının ləğv edilməsi barədə qərarın qəbul edilməsi Hərtərəfli Müdafiə Sazişinin 9-cu maddəsinə əsasən, İranın suveren hüquqlarına əsaslanır. Agentlik İranın təzyiq altında suveren qərarını dəyişməsini gözləməməlidir. Yaxşı olar ki, agentlik ölkələrin suverenliyinə hörmət etsin və yalnız müəyyən sayda müfəttişlə işləmək əvəzinə, bu beynəlxalq təşkilatın sərəncamında olan yüzlərlə başqa müfəttişdən istifadə etsin.
Agentlik və ya bu quruma təzyiq edən dövlətlər bilməlidirlər ki, 9-cu maddəyə uyğun olaraq qanuni hüquqlardan istifadə etdiyi üçün İranı təzyiq və təhdid altına ala bilməzlər. Bu təzyiq və təhdidlər konstruktiv xarakter daşımır və onlara da kömək etməyəcək. Baş direktorun Direktorlar Şurasının növbədənkənar iclasının keçirilməsi ilə bağlı dolayı hədələnməsi baş direktora təzyiq olduğunu göstərir.
İkinci; İran dinc nüvə fəaliyyətlərini tam şəffaflıqla və müfəttişlərin çoxluğu ilə davam etdirir. İran məsələsinin siyasi gündəmdə qalmasından narahat olmağa əsas yoxdur. Baş direktorunun siyasi gündəmi yoxdursa, qaydaya uyğun olaraq öz peşəkar hesabatını sionist məmurlar kimi dövlət başçılarına və xarici işlər nazirlərinə deyil, Direktorlar Şurasına təqdim etməlidir.
Baş direktorun hesabatları faktlara əsaslanaraq dərc edilməlidir. Baş direktorun faktlar barədə Direktorlar Şurasına məlumat verməkdən başqa ölkə orqanlarına hesabat vermək vəzifəsi yoxdur. Başqa ölkələrə hesabat vermək qeyri-peşəkar və qərəzlidir. Halbuki, bu agentliyin Baş direktoru ölkələrin yüksək siyasi məmurları ilə hər görüşdə İranın onun üçün birinci mövzu olmasının vacibliyini etiraf edir!
Üçüncü; agentliyin Baş direktoru İsrailin fələstinlilərə qarşı nüvə silahı tətbiq etmək təhlükəsi ilə bağlı jurnalistin sualına cavabında, nəinki dəqiq cavab vermədi, hətta “bəzi ölkələrin NPT-dən kənarda qalması onlar üçün məsuliyyət yaratmır” bəhanəsi ilə bu rejimə haqq qazandırmağa çalışdı. Yəni nüvə silahının qadağan olunmasına gəlincə, o, dünyanı üzv və qeyri-üzv ölkələrə bölür və beləliklə, üzv olmayan ölkələr üçün nüvə silahını qadağan etmir.
Sionist rejimin NPT-yə üzv olmaması heç bir şəkildə nüvə silahına sahib olmaq hüququ yaratmır. Baş direktorun jurnalistin sualına cavabı onun ikili standarta əməl etdiyini açıq şəkildə göstərir.
Bu, beynəlxalq qanunlara ziddir, çünki məhdudiyyətləri və məsuliyyətləri qəbul etmiş üzv məsuliyyət daşıyır və qeyri-üzvə isə heç bir məsuliyyət təyin etmir. Qəribədir ki, Baş direktor belə şəraitdə özünü NPT-nin mühafizəçisi hesab edir!