Livan Hizbullahı işğal altındakı Colan təpələrində sionist rejimin artilleriyasına onlarla Katyuşa raketi atıb.
arannews:irna-Livan Hizbullahı habelə onlarla Katyuşa raketi ataraq işğalçıların Əl-Zaura bölgəsindəki hərbi bazalarını hədəf aldığını vurğulayıb.
Eyni zamanda sionist mediası Livanın cənubundan işğal altındakı Fələstinin şimalındakı Əsba əl-Cəlil bölgəsinə 50-dən çox Katyuşa raketinin atıldığını bildirib.
Sionist KİV-ləri həmçinin bildiriblər ki, işğal olunmuş ərazilərin şimal bölgələrində pilotsuz uçan aparatların sızma qorxusu səbəbindən davamlı olaraq həyəcan təbili çalınıb.
Əl-Məyadin kanalı da Livan Hizbullahına istinadən xəbər verib ki, bu hücum sionist rejimin Livan torpağına dəfələrlə təcavüzü, xüsusilə bu ölkənin cənubundakı Ət-Təybə və Əyta əş-Şəəb kəndlərinə edilən son hücuma cavab olaraq baş verib.